Pisortatut atorfinni suiaassutsikkut suli naligiinngitsoqarpoq
Nunatsinni pisortatut atorfinni naligiinngitsoqarnerapillugu oqallittoqarnissaanik suli pisariaqartitsisoqarpoq,Kalaallit Nunaanni NaligiissitaanissamutSiunnersuisoqatigiit nalunaarusiaata nutaap tamannaerseqqissarpaa.
Nunatsinni suliffeqarfeqarnermi arnat peqataanerat maluginiarneqartariaqarpoq. Suliffeqarfinni Kalaallit Nunaanniittuni aqutsinerup iluani angutit arnallu atugaat suli naligiinngillat, suiaassutsikkullu naligiinnginnerup oqaasertalersorneqarnerunissaa pisariaqarpoq, taamaalilluni oqallinneq iliuusissatut periarfissanik nutaanik ammaassammat.
Nalunaarusiap nutaap »Kaffi aassaviuk?« tamanna erseqqissarpaa – kalaallit suliffeqarfiini suiaassutsitigut naligiinnginneq pillugu misissueqqissaarneq, Kalaallit Nunaanni Naligiissitaanissamut Siunnersuisoqatigiit aamma Nunatsinni Ilisimatusarnermik Siunnersuisoqatigiit suliakkiissutigalugulu akiligaat.
Ukiut qulit matuma siorna suliffeqarfinni naligiinnginnermut tunngasunik assingusumik kingullermik ilisimatusartoqarpoq, nalunaarusiamilu nutaami nunatsinni suliffeqarfinni naligiittoqannginnerani ajornartorsiutinut pissutaasinnaasut erseqqissarneqarnissaat siunertaavoq – tamannalu Kalaallit Nunaanni Naligiissitaanissamut Siunnersuisoqatigiit sivisuumik qulaajarusuppaat, siulittaasoq Kathrine Bødker oqaluttuarpoq.
– Apeqqutaavorli ajornartorsiut pisortat akornanni pisortatigoortuunngitsumik inuussutissarsiornermi atorfinnit qaffasissunit arnanik immikkoortinneqarneraninngaaneersuunersoq, ileqquniinnersorlu. Ileqqut allanngortikkuminaatsuusut ilisimavarput.
– Uagutsinnut assingusunik atorfinitsitsisarneq inuup ileqqorisaraa pivara. Ajornartorsiutaasoq oqaasertalinngikkutsigu, taava ilaatigut sianiginngisatsinnik qinnuteqartoq uagutsinnut assingusoq toqqartarparput, Kalaallit Nunaanni Naligiissitaanissamut Siunnersuisoqatigiinni siulittaasoq, Kathrine Bødker oqaluttuarpoq.
Oqaluttuaq tamaat aviisimi Sermitsiami sapaatip-akunnerani matumani saqqummersumi atuaruk, ugguuna iserfigisinnaavat:
