Uro i Siumut
Pisortatigoortoq: Finn Karlsen naalakkersuisunngussaaq
Naalakkersuisut siulittaasuat Aleqa Hammond maanna nalunaarpoq Karl Lyberth naalakkersuisuni ilaasortatut tunuartoq
Martsimi inatsisartunut qinersinerup kingorna naalakkersuisut aappassaa nutaamik inissitsitertussanngorput. Karl Lyberth Siumumeersoq naalakkersuisuni ilaasortaajunnaarpoq taassumalu oqartussaaffia parteeqataata Finn Karlsenip oqartussaaffigilissavaa inatsisartut immikkut ataatsimiilerpata januarip 27-at.
Siumup siulittaasuata tullia Karl Lyberth qaammatit kingulliit assoralisimaarpoq parteeqatiminit aamma isornartorsiorneqartarluni. Kingullertut 2014-mi qaleralittassat aalajangersorneranni kisitsisit kukkusut saqqummiussimavai piffissamilu kingullermi isornartorsiorneqarpoq Aleqa Hammondip inooqataa Tom Ostermann siunnersortimisut atorfinitsikkamiuk.
Karl Lyberth maaanna Naalakkersuisuni ilaasortatut tunuarniuteqarpoq aammalu Tom Ostermannimik atorfinitsitsineq atorunnaarsinneqarluni. Karl Lyberth Finn Karlsenimit Siumumeersumit siornatigullu aalisarnermut, piniarnermut nunalerinermullu naalakkersuisuusimasumit kingoraarneqassaaq.
Naalakkersuisut nutaamik inissitsiternerat pivoq uran pillugu oqallinnermi oktoberip 24-at 2013 Partii Inuit Naalakkersuisunit soraarsitaammata.