Pisortat ingerlatsinerat annertuallaartoq isornartorsioraa: »Pappiararsortoqarpallaarpoq«
Kommunini Namminersorlutik Oqartussanilu sulisunut 11.500-nut aningaasarpassuit atorneqarput. Nunasiaataanermit aqutseriuseq ajornartorsiutaasoq tassa oqaatsit marluk atorlugit ingerlatsineq isornartorsiuisoq isumaqarpoq.
Nunarsuarmi aatsaat taama annertutigisoqalerunarpoq: Kalaallit Nunaanni sulisut ukiumut sulisinnaasut naatsorsorneqarneranni (aningaasarsiortut) 43 procentii pisortani ingerlatsinermi suliffeqarput.
Aviisi AG taama allappoq.
Demokraatit siulittaasuata Jens-Frederik Nielsenip oqarnera aallaavigalugu »atugarissaarnissamut ilusissamik nutaamik« peqalernissaa piffissanngorpoq:
- Qallunaat iliuusaat ilaaginnartarsinnaanngilagut neriulluta ingerlalluassasut. Allatut ajornartumik allannguerujussuartariaqarpugut, inuiaqatigiinni atugarissaarneq uagutsinnut kalaallinut tulluuttunngorlugu. Inuiaqatigiiunngilagut, annertoorsuarmik allaffissornermik nuannarisallit, ulluinnarni sumininnguanut allaat aalajangiisartussamik. Ileqqorinngilarput, pappiliarpassuarnik atuinissaq sumininnguamik angusaqarniarutta. Inuiaavugut, ajunngitsumik ingerlagutta naammagisaqartut. Nammineq inuunitsinni sapinngisamik annerpaamik aalajangeerusuppugut. Taamaattumik nammineq nunatsinnut inuiaqatigiillu ilusilersornerannut pissaaneq tigusariaqarparput, uagut nammineq eqqarsartaatsitsinnut namminerlu kulturitsinnut nallersuuttoq.
Immitsinnut qiviartariaqalersugut Jens-Frederik Nielsen isumaqarpoq. Pisortat ingerlatsinerat annertooq nammineq pilersitaasoq taanna oqarpoq.
- 1979-imili Namminersornerulersimavugut, taamaattumillu tulluarpoq oqaatigissallugu, ukiorpassuit atorsimagatsigit allaffissornitta ilusaata allanngortinniarneranut. Aamma tulluartuuvoq oqaatigissallugu, allannguinngitsoorsimanermut annerpaamik akisussaasuusut taakkuussasut partii, 1979-imili pissaanermik tigummiaaqarsimasoq. Taanna parti siunnersuuteqartup parteeraa. Taanna parti tassaavoq Siumut.
Múte: Pisortanik atorfinitsitsinerit
Jens-Frederik Nielsenip pissutsit killiffii pillugit naliliinera Siumumiit Inatsisartunut ilaasortap Doris J. Jensenip Inatsisartuni aalajangiiffigisassatut siunnersuutaaneersuuvoq. Kalaallit Nunaannut naleqqussakkamik allaffissornikkut aaqqissuusseqqinnissamik pilersaarummik suliaqarnissamik Naalakkersuisut peqquneqartariaqartut taanna isumaqarpoq.
Aviisimi AG-mi atuarnerusinnaavutit. Aviisi uani pissarsiariuk:
