Pisortaq rigsombudsmanndinngussasoq
Naalagaaffiup Mikaela Engellip taartissaa toqqarsimavaat.
Kalaallit Nunaanni Pinerluuteqarsimasunut Isumaginnittoqarfimmi maanna pisortaasoq Julie Præst Wilche Kalaallit Nunaanni naalagaaffiup ombudsmanderilissavaa.
Ministeriuneqarfik nalunaaruteqarluni taamatut ilisimatitsissuteqarpoq.
Julie Præst Wilchep Mikaela Engell, 2011-mili ombudsmandiusimasot taarsissavaa. Julie Præst Wilche ulloq 1. maj 2022 ombudsmanditut sulilissaaq.
Julie Præst Wilche 50-inik ukioqarpoq Ilisimatusarfimmilu cand.scient.adm.-itut ilinniagaqarsimalluni.
Taanna Isumaginninnermu Inatsisinillut Atuutsitsinermu Naalakkersuisoqarfimmi siusinnerusukkut pisortaasimavoq.
Ministeriuneqarfik Julie Præst Wilche pillugu imatut allappoq, " Julie Kalaallit Nunaanni inuiatigiinnik, politikkikkut pissutsinik aamma danskit-kalaallillu attaveqatigiittarnerannik ilisimasaqarluarpoq."
Rigsombudsmandi Kunngeqarfiup Kalaallit Nunaanni qullersatut sinniisorivaa, atorfillu Namminersorlutik Oqartussat naalagaaffimmilu oqartussat akornanni attaveqartitsisuuvoq.