Pisortaq mittarfissaq pillugu: Sillimaniarneq takujuminartuunissaanit pingaarneruvoq
Nuummi mittarfissaq takujuminartuussaaq, sillimaniarnerli pingaarnerusoq, Kalaallit Airportsip pisortaata Steffen Ulrich-Lyngep KNR-imut oqaatigaa
- Sillimaniarneq pingaarnerpaavoq pissutigalugu mittarfik mittarfittut atortussaagami, Kalaallit Airportsimi pisortaaneq Steffen Ulrich-Lynge Qanoruumut sisamanngormat oqarpoq.
Mittarfissap isikkussaa borgmesterimit Asii Chemnitz Narupimit ernumagineqarpoq, tamanna sanaartornissamut tusarniaasoqarnerani takuneqarsinnaavoq.
Mittarfittaassap isikkorissuunissaanut suliaq aallartinneqareersoq, Steffen Ulrich-Lyngep KNR-imut oqaatigaa, mittarfissap illutassaanut unammisitsisoqarsimanera nassuiaatigalugu.
- Mittarfiup ajunngitsumik miffigineqarsinnaanissaata pingaaruteqassusaa naatsorsuutigissavarput. Kusanartumik suliassaat saassuma saniatigut soorunami suliarineqassapput. Taassumallu qaavatigut immikkut takusassiarineqarnissaat uagut aamma kommunilu suleqatigiilluta anguniassavarput, Kalaallit Airportsimi pisortaaneq Steffen Ulrich-Lynge KNR-imut oqarpoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...