Skip to main content

Pisortap kukkuneq nassuerutigigaa

AG-mi inissiarsuarmi najugaqartut inigisaminni peqqissutsimut aarlerinaatilinnik ineqarnertik oqaluttuarigaat sapaatip-akunnerani kingullermi allaaserineqarpoq. Pisortaq suut ajutoorsimanerannik matumani nassuiaavoq pitsanngorsaasoqarnissaanillu neriorsuilluni.

- Illorsuit nutaaliaasut marluk pineqarput, taakkunanilu pitsaassutsip pitsaalluinnartuunissaa sillimmartitaarneqarfigisimavoq. Taamaattumik atortup ajoquteqarsimanerata taama amerlatigisunik akornusersuuteqarsimanera uggornarpoq. Sanaartukkat matumatut angissusillit eqqarsaatigalugit tamakkua nalinginnaasumik Kalaallit Nunaanni pitsaalluinnartuusaraluarput.

Taama Permagreenip pisortaanera, Jeppe Bloch Steffensen, Nuummi Manguaraq 37-mi ajornartorsiutinut, AG-mi sapaatipakunnerani kingullermi allaaserineqartunut, oqaaseqaammi oqarpoq. Permagreen sanaartukkami tamakkiisumik suliarinnittuusimavoq.

Pisortap najugaqartunit marlunnit, Ester Laura Jensenimit aamma Ivalo Frank Larsenimit isornartorsiuineq, pimooruppaa.

- Suliassatta pingaarnersaat tassaavoq ineqartunut sinaakkutinik toqqissisimanartumik qulakkeerinninnissaq, pisortaq oqarpoq, nassuiaallunilu, sanaartugaq immikkut ittunik unammilligassaqafiusimasoq.

- Teknikkikkut ikkussukkat ilaat, Permagreenip suliffeqarfimmit suliarinnittartumit allamit pissarsiaralugillu suliaritissimavai, taakkualu ilaanni ataatsimi – pingaartumik erngup atugassap kissartup aqqutaani – ajoquteqartoqarsimavoq, oqarpoq nangillunilu:

- Atortoq taanna Kalaallit Nunaanni sanaartukkani allarpassuarni aamma atorneqarpoq, pisumili matumani ajoquteqarsimalluni. Tamanna kingusinaarluta paasisimavarput, Jeppe Bloch Steffensen oqarpoq.

Oqaluttuaq tamaat AG-mi sapaatip akunnerani matumani saqqummersumi atuarsinnaavat, ugguuna iserfigiuk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER