Skip to main content

Pisortap KANUAANA pillugu nalunaarusiap isornartorsiorneqarnera paasisinnaanngilaa.

Sulisitsisut Polar Seafoodilu KANUAANA-p sulinera pillugu nalunaarusiaq isornartorsiorsimavaat, taakku KANUAANA-mi suleriaaseq piffissami sivisuumi naammagisimanngilaat. Aalisarnermut Piniarnermullu Naalakkersuisoqarfimmi pisortap Jørgen Isak Olsenip isornartorsiut tunngavissaqannginnerarlugu paasisinnaanngilaa.

Aalisartut suliffeqarfiillu KANUAANA nunami aalisarnermik nakkutilleeriaasia arlaleriarlutik isornartorsiortarsimavaat. Tamatuma malitsigisaanik Kalaallit Nunaani Sulisitsisisut pisortaanerusimasaata Brian Buusip Aalisarneq pillugu Ataatsimiititaliarsuarmi ilaasortatut ukiualuit matuma siornatigut piumasarisimava, KANUAANA-mi suleriaaseq, piginnaatitaaffiit isumalluutillu misissuiffigineqassasut.

Nalunaarusiarli naammagineqanngilluinnarpoq, tamannalu Aalisarnermut Piniarnermullu Naalakkersuisoqarfimmi pisortap paasisinnaannginnerarpaa.

- Aalisarneq pillugu Ataatsimiititaliarsuup suliakkiissutai, ataaseq kisiat pinnagu naammassisimavagut, Jørgen Isak Olsen oqaluttuarpoq.

KANUAANA suliakkiissummut ilanngussaqarsimasoq

Isornartorsiorneqartut ilagisimavaat, KANUAANA-mit nalunaarusiaq qanoq imaqassanersoq aalajangiiffigeqataasoqarsimanera, naalakkersuisoqarfimmillu nalunaarusiaq pisiarineqarlunilu akilerneqarsimagami arlaannaannulluunniit attuumassuteqanngitsutut oqaatigineqarsinaanngitsoq.

- Suliakkiissummik suliaqarnissamut ilisimasavut naammattut isumaqarsimavugut, taamaammallu auqtsisussanik pilersitsinissat pisariaqanngitsoq isumaqarsimalluta. Susassaqartut imassai pillugit oqaloqatigisimavagut - aamma Inatsisilerinermut Immikkoortortaqarfik, naalakkersuisoq, uanga aalisarnermut immikkoortortaqarfimmiutut KANUAANA-rmiutullu soorunami aamma petaqataasimallunga.

Tassa KANUAANA-mi sulisoqartarnerata misissuiffigineqarnissaanut KANUAANA suliakkiissutissamik suliaqaqataasimavoq?

- KANUAANA-mi sulisut suliassanik isumaginninnissamut ilisimasaqaramik peqataatinneqarsimapput - tassani suut tamarmik ilanngunneqarnissaaq qulakkeerniarlugu.

Suliffeqarfiimmi isornartorsiuisimasut suliakkiissummik suliaqarnermut peqataatinneqarsimanngillat?

- Aap peqataatinneqanngillat, Aalisarneq pillugu Ataatsimiititaliarsuup saqqummiussai ilaatinneqartariaqartutut isigimavagut. Ilanngussimanngisarput tassatuaavoq, avataanit sulissanut aalajangersimasunut sulisussarsiortarnissamik inassuteqarsimanerat. Tamanna pisariaqarsorinnginnatsigu.

Jørgen Isak Olsenip erseqqissaassutigaa, KANUAANA suliakkiissummik ilusilersueqataasimanngitsoq, naalakkersuisoqarfimmi inatsisilerinermut immikkoortortaqarfimmit tamanna suliarineqarsimammat.

Nalunaarusiaq arlaannaannulluunniit attuumassuteqanngila?

- Kikkummi suliarissagamikku? Suliassaq suliariumannittussarsiuunneqarsimavoq, Deloittelu kisiartaalluni suliaqarnissamik neqerooruteqarsimavoq. Isornartorsiummi suna pineqarnersoq paasiniarsimavarput, KANUAANA-milu suliassat aamma KANUAANA inatsit naapertorlugu qanoq iliortassanersoq pillugit inatsit naapertorlugu suliakkiissutissaq suliarineqarsimavoq.

Jørgen Isak Olsenip ilisimatitsissutigaa, naalakkersuisoqarfik nammineerluni nalunaarusiortitsinermut akissaqanngimmat, nalunaarusiaq Aningaasanut Inatsit aqqutigalugu akilerneqarsimasoq. Taassuma nalunaarusiaq naammassineqareersoq susassaqartunit naammagineqannginnera uggorinerarpaa.

- Nalunaarusiaq saqqummiunneqareeraluartoq inissisimaffigisatsinniit nikeqqissimannginnerput uggornarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER