Skip to main content

Pisortaanerup siunissaa qularnartoqartoq

Avannaata Kommuniani pisortaaneq Søren Stach Nielsen qaammatini sisamaannarni atorfeqareerluni ajornartorsiuteqalersimavoq, avannaata kommuniani pisortaanertut tunuarneranik kinguneqarsinnaasumik

Søren Stach Nielsen kommunimi pisortaanertut juulip 15-iani atorfinippoq, Sermitsiaq.AG-milli paasineqarpoq, Naalakkersuisut Siulittaasuata Naalakkesuisoqarfiani pisortaasimasoq avannaata kommuniata qanoq ingerlanneqarnissaa pillugu isumaqatiginnikkunnaarsimasoq.

Sagen om Søren Stach Nielsen pillugu suliaq tusarfinnit arlalinnit, Sermitsiaq.AG-mit oqaloqatigineqarsimasunit inummut tunnggatillugu suliatut ”nuanniitsutut” oqaatigineqarpoq. Suliaq matoqqasumik politikkikkut oqaluuserineqarsimavoq.

Suliaq oqimaatsoq 

Inummut tunngatillugu suliaavoq oqimaatsoq, tassani paasisat malillugit kommuni isumaqatiginninniarluni aallartissimavoq, ilaatigut soraarnissamut isumaqatigiissuteqarnissaq tassani periarfissaalluni. 

Tusarfiit arlaannaannulluunniit attuumassuteqanngitsut, Sermitsiaq.AG-mit oqaloqatigineqarsimasut naapertorlugit, Søren Stach Nielsen pisortaanerup issiavianut sapaatip akunnera sinnerlugu inuttaqarsimanngitsumut utersinnaanera ilimanaateqanngilaq. Assersuutigalugu piffissami kingullermi nunami borgmesterit kommuninut ataatsimoortumik tapiissutit pillugit pingaarutilipilussuarmik ataatsimeeqatigiinnerannut aamma kommunit Naalakkersuisunut ammasumik akerliunerannut peqataasimanngilaq.

Tusatsiakkat ingerlaartut

Kommunimi attaveqaqatigiinnermut pisortaq Kate Hansen tassunga atatillugu oqaaseqarusunngilaq. Kommunip immikkoortortaqarfiini aamma taamatut nipilimmik oqartoqartarpoq, kisianni Søren Stach Nielsenip kommunip ingerlatsiviani siunissaqarnersoq pillugu tusatsiakkat eqqarsaasersornermik imallit ingerlaarput.

Borgmesteri Palle Jerimiassen oqarasuaatikkut emailikkullu attaveqarfigineqartaraluartoq oqaaseqartinnissaa iluatsinngitsoorpoq. Aamma kommunimi pisortaanerupq Søren Stach Nielsenip allaffimmini oqarasuaat tiguneq ajorpaa.

Atorfilittut misilittagartooq

Søren Stach Nielsen atorfinikkami SuliNuuk ApS-imi pisortatut atorfeqarnerminit tunuarsimavoq. Siusinnerusukkut Namminersorlutik Oqartussani aamma Aalborgimi Kalaallit Illuani pisortatut atorfeqarsimavoq, taamatuttaaq Namminersorlutik Oqartussani Naalakkersuisut Siulittaasuata Naalakkersuisoqarfiani pisortatutu atorfeqarsimallun.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER