Skip to main content

Pisortaanerit kalaallisut oqaaseqarpata inuiaqatigiit nukittunerulersinnaapput

Taama oqarput Siumup siulittaasua Erik Jensen, SIK-ip siulittaasuata tullia Ludvig Larsen aamma inuiaqatigiit pillugit ilisimatusartoq Birger Poppel.

Royal Greenland A/S Namminersorlutik Oqartussanit tamakkiisumik pigineqartoq, nunarsuarmilu imarmiunik tunisassiortut annerpaat ilaat, kiisalu Kalaallit Nunaani suliffeqarfiit annerpaartaat, Ka­laallit Nunaani nunanilu allani katillugit 2.200-t missaannik sulisoqartoq, ukiumut 5 milliardit koruunit sinnerlugit kaaviaartitaqartarpoq.

Aviisi Sermitsiaq taama allappoq.

Suliffeqarfissuup qullersaqarfiani pisortat sisamaasut akornanni kalaalersaqanngillat, taakkulu tamarmik Danmarkimi najugaqarput. Royal Greenlandip pisortaanera Mikael Tinghuus 2019-imi ukiumut 5,5 millionit koruuninik akissarsiaqarpoq. Pisortanullu sisamaasunut, uani aamma pisortaaneq ilaalluni, 2020-imi ukiumut akissarsiaritinneqartut katillugit 13 millionit koruunit missaanniipput. Kalaalerlu inuusuttoq ilin­niarluarsimasoq, suliffeqarfissuarmi nunar­suarmi tatigineqarnerpaat ilaanni pisortaaninngorsinnaasuuppat, tamanna inuiaqatigiinnut kalaallinut angusaq pitsaalluinnartuussagaluartoq, aammali kalaallit imminnut tatiginerannut qaffassaataassagaluartoq, inuiaqatigiit pillugit ilisimatusartoq, inuiaqatigiinnilu qitiusumik sullissisut ilaat isumaqarput.

Kalaaleq pisortaanertut

Suliffeqarfissuit Namminersorlutik Oqartussanit pigineqartut allaffissornikkut aqunneqarnerat Kalaallit Nunaata avataani ingerlanneqarpat, pisortaanerillu Kalaallit Nunaani najugaqanngippata, taava taakku Kalaallit Nunaannut nuutinneqarnissaat Siumup anguniagarigaa, Siumup siulittaasua Erik Jensen oqarpoq.

- Suliffeqarfissuit allaffissornikkut aqunneqarnerat pisortaanerillu Kalaallit Nunaanniinnissaat qulakkeertariaqarparput. Taassuma saniatigut Namminersorlutik Oqartussat suliffeqarfiutaanni pisortat siulersuisullu kalaallinik ilinniarluarsimasunik amerlanerusunik inuttalersorneqarnissaat aqqutissiuutissavarput.

Aviisimi Sermitsiami atuarnerusinnaavutit. Aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER