meeqqat atuarfiat
Pisortaaneq: Atuarfik ataatsimoorluta makitissinnaavarput
Meeqqat atuarfiata ajornartorsiutaasa ammasumik oqaluuserisinnaalernerat oqiliallaataavoq, Kommuneqarfik Sermersuumi meeqqanut, ilaqutariinnermut atuarfeqarnermullu pisortaq, Søren Valbak, nalilersuinermik nalunaarusiaq EVA-meersoq pillugu oqarpoq
Kommuneqarfik Sermersuumi meeqqanut, ilaqutariinnermut atuarfeqarnermullu pisortap, Søren Valbakip, EVA-mit nalunaarusiaq suli atuaqqissaarsimanngilaa, taamaattorli qanoq imaqarnera ilisimavaa, tassa meeqqat atuarfiata qanoq ingerlaneranik naliliinermik imaqarmat, inerneralu tupaallaatiginngilaa.
– Tupaallanngilanga. Nalunaarusiaq atorlugu qanoq suleqatigiissinnaanerluta suliassatsinnillu aaqqissuussilluta immitsinnut pisuuteqattaaginnarnata ajornartorsiummik qaangiisinnaavugut, Søren Valbak oqaluttuarpoq.
- Nalunaarusiap isornartorsiugassarpassuaqarnera eqqissiallaatigaara. Meeqqat atuarfianni ingerlaatsitsinni unammilligassarpassuaqarpugut, tamatumalu oqaatiginera assut eqqissiallannarpoq.
Allaaserisaq tamaat Sermitsiami kingullermi saqqummersumi atuaruk, aviisi uani pisiarisinnaavat: