Skip to main content

Pisiniarfitoqaq Pisiffiup pisiaraa

Sundkiosken Aasianniittoq Pisiffiup pisiaraa

Martsip aallaqaataaniit Sundkioski Aasianniittoq Spar-inngorpoq.

Pisiffiup Sundkioski Eleonora Aron J. Olsenimiillu ukiuni 32-ni ingerlanneqarsimasoq pisiaraa.

- Uagutsinnut Eleonarap Aronillu pisisartuminnut qanilaarneq pilersissimasaat ingerlatiinnarneqarnissaa pingaaruteqarpoq. Illoqarfigisami inissisimaneq aammalu pisisartut pisariaqartitaannik aallussineq ilisarnaatigisimavaat, tuniniaanermut pisortaq Kenneth Ingemann tusagassiuutinut nalunaarummi allappoq.

Pisiniarfik inissisimaffiani qangalili Pisiffiup kissaatigisimavaa tamatuma nalaani pisiniarfimmik Spar-imik ammaanissaq.

- Tamatuma nalaa ineriartorfiuvoq, taamaattumillu pisiniarfik periarfissaqarluarpoq, Pisiffik paasissutissiivoq.

Tigusinerup kingorna Pisiffik allanngortiteraluni aallartissaaq, taamaasilluni pisiniarfik Spar-itut isikkoqalersillugu.

- Pisiffiup naatsorsuutigaa ullut tallimat arfineq-marlullu missaani qaangiuppata ammarnissaa, radio-kkullu nalunaarutigineqarumaarpoq matut ammarneqarniariarpata.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER