Pisiniarfik tillinniarfigineqarsimasoq: Imigassat cigaretsillu tillinneqarsimapput
Qaqortumi ataasinngornerup unnuaani tillinniarsimasunik takunnissimasinnaasunik politiit ujarlerput.
Ataasingornerup unnuaani nalunaaquttap 02.21-p missaanni Qaqortumi Pisiffimmut Sanatorievejimiittumut tillinniartoqarsimavoq.
Tillinniat igalaaq aserorlugu iseriarlutik imigassanik cigaretsinillu annissisimapput, pigaartut pisortaat Preben Kleist oqaluttuarpoq.
Pigaartutu pisortaata oqaluttuaraa, tillinniartsimasut ikinnerpaamik inuit pingasuusimannguatsiartut. Pisiniarfimmi videokkut nakkutilliissutip misissuiffigingallarsimanerata tamanna takutippaa:
Takunnissimasinnaasunik ujaasisut
- Videokkut immiussat uagutsinnut tunniunniarlugit suliaqaleruttorput, taakku ullup ingerlanerani pissarsiarissavavut, Preben Kleist oqarpoq.
Taassuma erseqqinnerusumik oqaatigisinnaannginnerarpaa, tillinniat qanoq annertutigisunik annissisimanersut, politiit pisiniarfiup naatsorsueqqissaarnera utaqqigallaramikku.
Politiilli takunnissimasinnaasunik attaveqarusupput imaluunniit tillinniartoqarneranut tatillugu tusagaqarsimasinnaasunik attaveqarusullutik. Poliit 70 14 48-mut sianerfigineqarsinnaapput.