Nuuk
Pisiniarfik nalunnginneqarluartoq matussaaq
John Hansen aamma Ellen Egede Hansen pisiniarfimmik ukiuni 20-nik ingerlataqareerlutik soraarninngortussanngorput
Angummut inuusuttumut angerlarsimaffimminit nuulluni initaartumut nakkaatitsivik qalipaatigissaartoq?
Meeqqamut inuuissiortumut aqerluusaasivik? Nuliamut naasut qilertat? Imaluunniit sukkulaatit kinguleqqiutissat poortaq kaffillernermut?
Pisiniarfik Nivi ukiut 20-t ingerlaneranni Nuummi pinngitsuugassaasimanngilaq, tunissutissaqqissunik, nerrivimmut pinnersaatissanik allarpassuarnillu nioqqutissaateqarnini tunngavigalugu.
Ukioq mannali tamanna qaangiuttussanngorpoq.
Aappariit John Hansen aamma Ellen Egede Hansen pisiniarfiup igalaavinut atorunnaalernermi akikilliliinermik allagartanik nivinngaatiteripput. Pilersaarutillu malillugit ingerlasoqarpat piginnittut pisiniarfik juunip 30-ani naggataamik ammatissavaat.
Nuummi susoqarnersoq Nuuk Ugeavisimi oqaluttuanik amerlanernik atuarsinnaavutit. Aviisi akeqanngitsumik uani pisiariguk: