Skip to main content

Pisiniarfeeraq ikuallajasoq atorlugu ikuallanneqarsimavoq

Kangaatsiami pisiniarfeeqqap sapaatit akunneri marluk matuma siorna ikuallattoqarsimanera, Aasianni politiinit paasiniaaffigalugu naammassineqarpoq. Paasiniaanermi paasineqarpoq ikuallajasoq atorlugu pisiniarfeeraq ikuallanneqarsimasoq.

Kangaatsiami pisiniarfeeraq 9. februar ikuallappoq. Ikuallaasutut pasineqartup imerpalasoq ikuallajasoq atorlugu pisiniarfeeraq ikuallassimavaa.

Ikuallaasimasorineqartoq, angut 58-inik ukiulik ikuallattoqarnerani ajunaarpoq, angullu alla 36-nik ukiulik ikuallattoqarnerani ajoquserujussuarluni.

- Aasianni Politiit ikuallattoqarnerani susoqarsimaneranik paasiniaanertik naammasseqqammerpaat. Politiit naliliipput ikuallattoqarnera pisut tamarmik qulaajarneqareersut.

Ikuallattoqarnerani annattoq Nuummi Dronning Ingridip Napparsimmavissuanut piaartumik aallarunneqarpoq. Sermitsiaq.AG-p ilisimatinneqarnera naapertorlugu annattoq maanna Danmarkimukaanneqarsimavoq suliaritissalluni, inuunerminilli maanna navianartorsiortitsinani.

Danmarkimiit ikiorneqartut

Aasianni politiit Danmarkimiit ikuallattoqarsimatillugu paasiniaasartunit, toqusoqarsimatillugulu timinik misissuisartunit ikiorneqarsimapput. Soorlu aamma nunatsinni sumiiffiit ilaanniit politiit paasiniaanermi suleqataasimasut.

- Misissuinerit ersersippaat angut 58-inik ukiulik ikuallajasunik atorluni ikuallaasimasoq. Ilaqutaasut isumassorniarlugit ikuallattoqarneranut tunngatillugu politiit annerusumik oqaaseqassanngillat, Kalaallit Nunaata Politiivi ilisimatitsipput.

Suliami annertunerusumik misissueqqittoqassanngitsoq, politiit ilisimatitsissutigaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER