Skip to main content

Pisiniarfeeraatilik 99-nik ukioqalerpoq

Ilulissani Illumiut Kioskimik piginnittoq, Anthon Geisler, ullumi pingasunngornermi 99-nik ukioqalerpoq

Pisiniarfeeraatimini ullumimut suli sulisoq, Qeqertarsuup eqqaani nunarfimmi maanna inuerussimasumi Aamaruutissani inuusoq peroriartorlu, Anthon Geisler, ullumi pingasunngornermi 99-nik ukioqalerpoq.

Anthon Geisler iffiortutut 1952-mi naammassisaminik ilinniagaqartoq, Ilulissani 60-ikkunnili namminersortutut inuussutissarsiuteqarpoq. Siulermik maanna angerlarsimaffimmini 60-ikkunni kaffebar-iuteqarpoq. Kingornalu 70-kkut aallartisimalerneranni maanna pisiniarfeeraatini Illumiut Aqqutaani Ilulissaniittoq ammarpaa, taannalu maannamut suli ualikkut pingasuniit unnukkut qulingiluat tungaanut suliffigalugu ammatittarpaa.

Suliinnarusuppoq
Pisinnaatillunilu suli suliinnarusuppoq:

- Pisinnaatillunga suliuassaanga unittoorusunnginnama, nalunngilarali ullut ilaanni suliunnaartussaallunga, Anthon Geisler KNR Radiokkut ullaaq manna apersorneqarluni qaqagu soraarninngussanerluni aperineqarami akivoq.

Ullumi sulissanngilaq
Ukiumut ulluni amerlanngitsuni Anthon Geisler sulinngiffeqartarpoq. Kisianni ullumikkut pingasunngornermi 99-nik ukioqalernermini sulianngilaq, ikinngutini qaninnerit angerlarsimaffimmini qaaqquniaramigit.

Anthon Geisler iffiortutut Qallunaat Nunaanni ilinnialinnginnermini Maarmorilimmi, Ivittuuni orsugiassiorfiusimasumi aamma umiarsuarni igasutut sulinikuuvoq.

Inuiattut Ullorsiornermi 2011-mi Anthon Geisler Qaasuitsup Kommuniata kulturikkut nersornaasiuttangaanik ukiorpassuarni namminersortuusimanini pillugu nersornaaserneqarpoq.

Allaaserisap ataani Anthon Geisler pisiniarfeeraatalu assigi takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER