Skip to main content

- Pisimasinnaasoq

Nina von Staffeldtip Sika Haslundi pingaarnertut inuttaralugu pinerluttulersaarusiaa ippassaq saqqummerpoq. Atuartartulli ulluinnarmik ilisarisaqarnissaat atuakkiortup pingaartitaraa

- Sika qamuuna sanioqqussinnaavoq, Nina von Staffeldti Atuagkat silaataani biilinik inissiisarfimmut tikkuarluni oqarpoq.

Taanna pinerluttulersaarusiami aappaat "Den Sorte Engel" ilisaritikkiartorlugu illoqarfimmiippoq. Taanna tusarnaarianit apeqquteqarumut akillualaavippoq.

Piviusorsiortumik allaatiginninnerit

Taassuma pingaarnertut inuttaatitami Nuup aqqusernani takorloorsinnaaneranut pissutaavoq, ulluinnarni Nunatsinni pisut aallaavigalugit allaatiginninnissani pingaartitaralugu.

Pingaarnertulli inuttaasoq Sika Haslund aamma sapinngisamik piviusorsiortumik tunngaveqartinniarsarisimavaa.

- Inuk paasissutissiarerusuppara uppernartuusinnaanera. Tassungalu tunngatillugu Kalaallit Nunaani kammalaatikka ikioqqullunga saaffigisarpakka, Sikap qanoq eqqarsartariaasia iliortarneralu eqqarsaatigalugit, atuakkiortoq oqarpoq.

Pinerluttulersaarusiamini ulluinnaat inuttalli piviusorsiortumik allaaserisimavai, soorunami oqaluttualiaannaangaluarput.

Sinaakkutit 

Atuakkiortoq aallaavigalugu Kalaalit Nunaat pinerluttulersaarummik atuakkiarissallugu periarfissatsialaasoq, pingaarnertummi inuttarititani europami illoqarfissuarnut sanilliullugu ajornerujussuarmik pisuusaartissinnaavai. Assersuutigalugu pinngortitami imaasiallaannaq ikiorneqarnissamik periarfissaqanngitsumi taakku inupilummik naapitaqarsinnaapput.

- Pinngortitaq oqaluttuani atorluarpara. Tamanna pisuusaartitami pingaaruteqarluinnartuuvoq, Nina von Staffeldt oqarpoq.

Sammisamilu ataatsimi piviusorsiortitsisinnaanngilaq. Kalaallit Nunaanimi toqutsisoqarsimatillugu amerlanerpaatigut politiit takkutiinnarlutik paasisarpaat kina toqutsisuusimanersoq. Taamaattoq sapinngisamik piviusuusaartitsinissaq taassuma pingaartissimavaa.

- Oqaluttuap imaani pisimasiinnaasut eqqarsaatigisarpakka. Isumassarsisimatillunga ilumut pisimasinnaanersoq eqqarsaatigilluaqqaartarpara. Taamaanngikkaangat isumassarsiaraluara atorneq ajorpara.

Rundt i landet

Nina von Staffeldt 1997-miilli Nunatsinni sulisarsimavoq, ilaatigut ilinniartitaanermut siunnersortitut aammalu angalanermi aqutsisutut. Tassungalu tunngatillugu Nunatsinni angalaarsimaluni.

Tamannalu Sika Haslundip iluaqutigaa, siullermimmi "Frosne Beviser’-mi taanna Sisimiunukartinneqarsimavoq. ‘Den Sorte Engel’-imilu Uummannamiillunilu nunaqarfiiniippoq kiisalu atuakkap ateqqaataani 'Den Sorte Engel' Maamorilimmi.

Ilimanarsinnaavorli Sika Haslundi tullissaani Ilulissanukarnissaa.

Annertunerusumik eqqaanngikkaluarlugu angummik toqutsineq canadamiut pujortuleeraataanni pivoq, tassani nannut amiinik qilalukkallu tuuaavinik anngiortumik annissuinerit, Greenpeace kiisalu aatsitassalerineq.

Tamannalu pisimasinnaanersoq atuartartut nammineq naliliiffigissavaat.

Den Sorte Engel Milik Publishingimit saqqummiunneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER