pisinnaatitaaffiit
Pisiffiup viinnit Robertson Winerymeersut pisiniarfinnit piiarpai
Tunisassiortumi pissutsit ajorluinnarmata niuertarfiuteqarfik iliuuseqarpoq
Robertson Winerymeersut viinnit Pisiffiup aamma Sparip ilisiviinit piiarneqalerput, suliffeqarfimmi sulisunut atugassarititaasut isornartoqarnerisa saqqummiunneqarnerisa kingorna. Pisiffik taama ilisimatitsivoq.
Malittarisat
- Atugassarititaasut Pisiffiup malittarisaanut (code of conduct) naapertuutinngillat, tamannalu piniartarfinniik tamanit atsiorneqarnikuuvoq, tuniniaanermut nittarsaassinermullu pisortaq Heine Stilling Jensen tusagassiuutinut nalunaarummi ilisimatitsivoq.
- Ulluni kingullerni tusagassiutitsigut paasissutigineqartarsimavoq suliffeqarfiup Robertson Wineryp, Afrikap Kujataaniittup sulisuisa isornartumik atugaqartinneqarneri, unnugulu DR2-mi tassunga nioqqutissiorfimmut tunngasoq takutinneqassaaq 'Bitre Druer – slaveri i vinmarken'. Taannalu tunngavigalugu Pisiffik aalajangersimavoq viinnit nioqqutissiorfimmeersut Pisiffiup aamma Sparip pisiniarfiiniittut tamaasa piissallugit, ilanngullugu allappoq.
DR2-mi piviusulersaarut uani isiginnaarneqarsinnaavoq.