Pisiffiup inuusuttut siuarsarniarpai
Kalaallit Nunaanni pisiniarfeqarfiup siunissami niuertussat ilinniartinnissaat anguniarpaa.
Kalaallit Nunaanni ilinniarsimasunik sulisoqarniarneq unammillernartuuvoq. Taamaattoqarnera Pisiffiup akiorniarlugu inuusuttut sulisumik sulisoriinnarnissaannik anguniagaqalerpoq – aammalu Pisiffiup ilinniartuutimi inerisarnissaannut siunissami niuertunngornissaat anguniarlugu sukataarutigaa.
Aviisi Sermitsiaq taama allappoq.
– Ulluinnarni atortakkatsinnut pisiniarfiit 2022-mi pikkunartorsioraluartut, tassa aningaasat naleerukkiartornera Ukrainemilu sorsunnerup kinguneranik, siumut eqqarsartariaqarpugut unammillersinnaalluarumalluta. Pisisartut pillugit unammillerneriinnaanngitsumik kisiannili aamma sulisunik pikkorissunik sulisoqarniarnikkut, Pisiffiup pisortaanera, Per Steen Larsen, Sermitsiamut oqarpoq.
– Inuusuttut aalajangersimasut pisiniarfitsinni sivisuumik sivikitsumilluunniit sulisorisarpavut. Taakku sulisoriinnarnissaat anguniarlugu sulissuteqarnialerpugut soorlu siunnersortinik pilersitsinermik inuusuttut suliffeqarfimmiiginnarnissaat immaqalu siullerpaamik suliffeqarnermut atatillugu unammilligassanik ikiornissaat siunertaralugu, nassuiaavoq.
Unicef suleqatigalugu
– Unicef suleqatigalugu 2022-mi siunnersortinik pilersitsinissaq ineriartortinnikuuarput. Siunertaalluni inuusuttut inuttut sulinikkullu nukittorsarnissaat aqqutissiuullugillu, inersimasunngorlutik ingerlalluarlutik sulisuulernissaat siunertaralugu, Per Steen Larsen oqarpoq.
Aviisimi Sermitsiami atuarnerusinnaavutit. Aviisi uani pissarsiarisinnaavat:
