mianersoqqussut
Pisiffik: Qummoroortaatinik ulorianartunik tunisisimavugut
Pisiffik, Spar aamma Jysk qummoroortaatinik taaguutilinnik 'Mesterpakke', batterimikkut ajoqutilinnik, taamalillutillu aallartinneqarnerminni ulorianartunik tuninisisimavoq
Pisiffik, Spar aamma Jyski qummoroortaatinik taaguutilinnik 'Mesterpakke' tunisisimavoq. Nioqqutissat taakku qummoroortaatit ajoquteqarput.
- Taakkua batterimikkut ajoquteqarput. taamaalillutik aallartinneqarunik ulorianarlutik.
Taama Pisiffik tusagassiuutinut allappoq.
Taamaattumik Pisiffiup pisisartuni qummoroortaatinik 'Mesterpakke'-neersunik pisisimasut kaammattorpai taakkua uterteqqullugit:
- Pisisimaguit imaluunniit nalunngisaqaruit 'Mesterpakke'-nik pisisimasunik, taava taakkua Pisiffimmut, Sparimut Jyskemulluunniit utertissavatit. Tassani akiliutitit utertissavatit, Pisiffik allappoq.
Qummoroortaatit illoqarfinni arlalinni tunineqarsimanissaat ilimagineqarpoq.
- Isumaqarpugut sineriammi illoqarfinni arlalinni tunineqarsimasoq, Pisiffimmi tuniniaanermut pisortaq, Palle Kock Sermitsiaq.AG-mut oqarpoq, imalu nangilluni:
- Aamma nalunngilara qummoroortaatit taakkua siorna sineriammi tamarmi nioqqutaasut. Taamaattumik inuit toqqortaqarsimagunik tamanna eqqumaffigissavaat. Soorunami aamma taakkua toqqortat utertinneqarsinnaapput aningaasartaalu tiguneqarlutik.
Qummoroortaatit 'Mesterpakke'-meersut qorsorpaluttumik qaamasumik pooqarput.