Skip to main content

Pisiffik pisiortorpoq

Nuummi Ilulissanilu Arctic Importit ingerlanneqartut Pisiffimmit pisiarineqarput ullumi

Pisiffiup Brugsenillu unammilleqatigiinnerat pissutigisaannik Arctic Importip tunisariaqalerpai.

Nuummi  Super1 aamma Farmers kiisalu Ilulissani Super1, Nivi aamma Jope Pisiffiup ullumi pisiarai. Qanoq aningaasaliisoqarsimanersoq ilisimatitsissutigineqanngilaq. Ilulissani Jope ilanngunnagu sulisut sulisoriinnarneqassapput. Jope pisiniarfittut atuukkunnaassaaq, illutaa Arctic Importimit ingerlatiinnarneqassalluni. Quersua Pisiffimmit aqutarineqalissaaq.

Unammilleqatigiinneq

- Nunatsinni illoqarfinni angisuuni marlunni unammilleqatigiittoqarnera malugaarput. Brugsenip Pisiffiullu unammilleqatigiinnerat malunnarpoq - unammillissanerluta imaluunniit pisiniarfiit tunineqassanersut aalajangertariaqalersimavarput, Arctic Importimi pisortaq Thomas Hjort oqarpoq, nangillunilu:

- Nunani avannarlerni tunisavut amerliartorput, tamanna attatiinnarniarlugu pisiniarfiit tunineqarnissaa aalajangerparput. Nuummi Ilulissanilu immikkoortortaqarfiit tunineqarnerat nuannaarutigaarput, tassani sulisut aamma malinnaassapput. Sulisutsinnut illoqarfinnilu taakkunani iluaqutaassaaq.

Oqartussat akuersissapput

Unammilleqatigiinnerup tungaatigut oqartussat una suliaq akuereqqaassavaat. Decembarimi aalajangiisoqarsinnaassasoq naatsorsuutaavoq.

- Arctic Retail Groupip pisiniarfiisa ingerlalernissaannut tunngatillugu isumaqatiginninniartoqarpoq. Illoqarfinni taakkartorneqartuni sulineq innuttaasunut ajorseriaateqartoqassanngitsoq - pitsannguisoqassasorli naatsorsuutaavoq. Piumasaqaatit iluatsittut isumaqarpugut.

Pisiniarfiit amerlinissaat iluaqutaassasoq Per Steen Larsen oqarpoq.

- Pisiniarfinni sulisorineqartut allannguuteqanngitsumik suliinnassasut nuannaarutigaarput. Tassani misilittakkagut ingerlateqqissavagut, Kalaallit Nunaannut iluaqutaassalluni. 

Pisiffiup illut attartussavai

Arctic Importip illut pigiinnassavai, tassani Pisiffik illut ukiorpassuarni attartornissaannut isumaqatigiissuteqarfigineqarluni. 

Pisiniarfiit tuninerannut qanoq aningaasaliisoqarsimanersoq avammut nalunaarutigiumaneqanngilaq.

Arctic Group pillugu paasissutissat

Arctic Group ilaqutariinnit pigineqarpoq 200-nik sulisoqarluni. 

Pisiffik

Pisiffik A/S Kalaallit Nunaanni 48-nik pisiniarfeqarpoq 750-nik sulisoqarluni. Pisiniarfiutigineqartut tassaapput Pisiffik, SPAR, Torrak Fashion, Elgiganten, Pisattat, Nota Bene, Akiki, Sweet Home, JYSK kiisalu KK Engros. Qaqortoq, Nuuk, Maniitsoq, Sisimiut, Aasiaat aamma Ilulissat tamarmik Pisiffimmik pisiniarfeqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER