Skip to main content

Pisiffik aatsaat taamak sinneqartooruteqartigisoq

Pisiffik 2019-imi sinneqartoorujussuarpoq. Ingerlatseqatigiiffik ukioq manna Nuummi Ilulissanilu pisiniarfinnik nutaanik pilersitsinikkut annertusaassaaq. Ilaatigut akunnittarfimmi nutaami HHE Expressimi Sparimik ammaanikkut tamanna pissalluni.

Pisiffik 2019-imi akileraarutit peereerlugit 36,1 millioner koruuninik sinneqartooruteqarnermigut, tassa 2018-imut sanilliullugu fire millioner koruuninik amerlanerusunik sinneqartooruteqarnermigut aatsaat taamak sinneqartooruteqartigaaq. 2018-imi 32 millioner koruuninik sinneqartooruteqarsimavoq.

Sermitsiaq allappoq.

Kalaallit Nunaanni atugassanik pisiniarfiit annersaata kaaviiaartitai allannguuteqangillat. Siornali to millioner koruuninik appariarmata 1.172.000.000 koruuninik kaaviiaartitaqarsimalluni.

Pisiffik naatsorsuutitigut angusaminik saqqummiussiuittuuvoq, ukiunilu kingullerni ukiumoortumik nalunaarusiaminik saqqummiussisarani.  

Sermitsiamit Pisiffiup 2019-imut ukiumoortumik nalunaarusiaa suliffeqarfiit nalunaarsorsimaffianni CVR-mi takuneqarsimapput, siulittaasorlu oqaaseqaqquneqarsimalluni.

Aatsaat taamak angusarissaartigisut

Siulersuisut siulittaasuata Karsten Høyip 36 millioner koruuninik sinneqartoorneq rekordiunerarpaa, kaaviiaartitallu naammagisimaarnarnerarlugit.

- Kaaviiaartitat appariarnerannut ilaatigut pissutaavoq, Brugsenip 2019-imi maajip qaammataani Ilulissani pisiniarfimmik ammaasimanera. Naatsorsuutigisatsitulli kaaviiaartitat imatut appariaateqarsimanngillat, tamatumunngalu pissutaavoq sulisutta Ilulissani suliaqarluarsimanerat, Karsten Høy oqarpoq.

Akerlianik Pisiffik illoqarfinni allani ingerlalluarsimavoq. Nuummi pequtaarniarfimmik Sweet Homemik 2019-imi juulip qaammataani tigusineq, ingerlatseqatigiiffiup siuariarneranut pissutaaqaataavoq, KK Engros aamma ukiumi angusarissaarsimavoq.

Ilanngutassiaq tamaat Sermitsiami atuaruk - ugguuna iserfigisinnaavat: 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER