Pisiffik 2021-imi angusaminik rekordiliivoq
Nioqqutissanik ulluinnarni atorneqarnerusunik aamma nerisassanik kiffartuussinermut suliffeqarfissuaq Pisiffimmik, Akikikimik aamma Ilvamik pisiniarfiuteqartoq, 2021-mi naatsorsuutinik rekordiliinerup kingorna siuariartuinnarnissamik naatsorsuuteqarpoq.
Kalaallit Nunaanni pisiniarfiuteqarfiit annersaat Pisiffik A/S, ilaatigut pisiniarfinnik makkuninnga ingerlataqartoq, Pisiffik, Spar, Akiki, Torrak Fashion, Jysk aamma Ilva, 2021-mi nukittoriarpoq.
Aviisi Sermitsiaq taama allappoq.
Pisiffik siorna nutaamik rekordiliivoq, aatsaat taama angusarissaartigigami. Kaaviiaartitat 1,4 milliardit koruuninut amerleriarput, tamannalu 5 procentinik siuariarneruvoq.
Ingerlatsinermit sinneqartoorutit, Ebit, 53,8 millioniupput ukiup siuliani 51,6 millionit koruuniusut, akileraareernermit sinneqartoorutit 40 millionit koruuniullutik. Akileraareernermi sinneqartoorutit taamaalillutik 6 procentinik amerlariarput.
- 2021-mi angusarput naammagisimaarluarparput, siuariarnermullu pissutaasut amerlapput. Pisisartut amerlanerusut pisiniarfitsinnut pisiniarput, tamatuma peqatigisaanik pisiaqarnerullutik. Pisiniarfiit tamarluinnangajammik siuariarput. Pingaartumik akikillilerutinik pisiniarfipput Akiki malunnaatilimmik siuariarfiuvoq. Atuisut akornanni akinik eqqumaffiginnittoqarnera malugaarput, taamaattumillu amerliartuinnartut akikillilerutilinnik toqqaasalerput, pisortaaneq Per Steen Larsen oqarpoq.
Aviisimi Sermitsiami atuarnerusinnaavutit: