Skip to main content

Pisassiissutit qaffasissut eqqarsaatigeqqinneqarnissaat IA-mit piumasarineqarpoq

Naalakkersuinikkut oqaaseqartartup Bendt B. Kristiansenip qaleralittassiissutit, biologit siunnersuutigisaannit amerlanerujussuusut ernumassutigeqai.

Qeqertarsuup Tunuani qaleralittassiissutit qaffasinneri IA naalakkersuinikkut oqaaseqartartuanut Bendt B. Kristiansenimut ernumassuteqartitsipput.

Tallimanngormat kingullermi Naalakkersuisut aappaagumut pisassiissutit akuersissuteqarfigaat. Qeqertarsuup Tunuani pisassiissutit biologit siunnersuutaannit 50 procentit sinnerlugit amerlanerupput.

Kukkunerit pinngitsoorneqarlik
Naalakkersuisut eqqarsaqqinnissaannik Bendt B. Kristiansen (IA) kaammattuivoq.

- Inuit Ataqatigiit piumasaraarput pisassiissutit nalilersorluaqqullugit, kukkusoqannginnissaa pingaarluinnarmat, taanna tusagassiuutinut nalunaarummi allappoq.

Qeqertarsuup Tunuani 9.200 tonsit pisassiissutigineqarput, biologit 6.400 tonsit siunnersuutigaat.

Qeqertarsuup Tunuani qaleralinniarneq ukiormanna ingammik ingerlalluarpallaanngilaq. Ukiut arlallit ingerlanerini aalisakkat pisarineqartartut milligaluttuinnarput.

- Uumasorsiuummi paasisaat malillugit, maannamullu pisarineqareersimasut angissusaat annertussusaallu malillugu, minnerunngitsumillu aalisartut misilittagaat oqariartuutaallu malillugit ersarippoq massakkut pisassiinikkut mianersoqqissaartariaqartugut, Bendt B. Kristiansen allappoq.

Avammut niuerneq ernumassuteqarfigigaat
Naak sinerissap qanittuani qaleralinniarneq tatisimaneqaraluartoq, peqassutsimut ulorianartorsiortitsisoqanngilaq, qalerallit nutaat avataanit tikittarmata. Kisianni aalisakka milligaluttuinnarput, tamatumalu aalisartut aningaasaqarnerat eqqorpaat.

- Taamak qaffasitsigisumik pisassiisoqarneratigut aarleqqutigaarput qalerallit ikiliartortut suli ikiligaluttuinnarnissaat, nunatsinnilu aalisakkani avammut nioqqutigisatsinni pingaarnerpaaq isumalluutigisarpullu nungukkiartupallassappat nunatsinnut ajorluinnartumik kinguneqassalluni.

Atuaruk: Qaleralittassiissutit Naalakkersuisut akuersissutigaat

Killiligaanngitsumik aalisarfiit
Minnerpaamik Qeqertarsuup Tunuani aamma Nuup Kangerluani killiligaanngitsumik aalisarfiit matuneqarnissaat Bendt B. Kristiansenip (IA) piumasaraa. Qeqertarsuup Tunuani killigaanngitsumik aalisarfik 2014-imi atulersinneqarpoq, maanna aalisarnermut piniarnermut naalakkersuisup, Karl Kristian Krusep (S) sinnersuuteqarnerata kingorna.

- Inuit Ataqatigiit piumasaraarput qaleralittassiissutit taama annertutigissappata minnerpaamik killeqanngitsumik aalisartitsiffiusut killilersorneqalissasut.

Atuaruk: Qeqertarsuup Tunuani qaleralittat ikileriarujussuartut

Naalakkersuisut nammineq partiimi peqataaffigisai kukkunerit uteqqileraat, Bendt B. Kristiansen (IA) isumaqarpoq.

- Kingumut qivialaarnikkut pisassiissutit qaffasippallaaraangata pisassat nungussinnaanerat innarlerneqarsinnaanerallu takussutissaqareerpoq misilittakkavullu taakkua ilinniutigisariaqarpavut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER