Pisassiissutinik qaffaaneq aalisartunit akisunaarneqarsinnaasoq

– Sinerissap qanittuani qaleralinniarnerup MSC-mik ilisarnaaserneqarneranik angusaqarfiunissaa ilimanngilaq, nunanut pisortaq Gísli Gíslason oqarpoq.

Aalisarnermut, Piniarnermut Nunalerinermullu Naalakkersuisoq Jens Imma­nuelsen sinerissap qanittuani qaleralinniarnermi Marine Stewardship Councilip avatangiisinut ilisarnaataanik tungujortumik pis­sarsinissamik anguniagaqarpoq.

Aviisi Sermitsiaq taama allappoq.

Kalaallit Nunaata MSC-mik ilisarnaat aku­erisaasoq immap nillertup raajaanik raajarniarnermi, nipisanniarnermi Kitaanilu avataasiorluni qaleralinniarnermi kiisalu Barentip imartaani saarullinniarnermi, saarullernanik kullerinik sejinillu aalisarnermi pissarsiarereersimavai.

Kisianni Jens Immanuelsenip nammineq anguniakkani akerlilersorpai.

Naalakkersuisut Qeqertarsuup Tunuani qaleralittassiissutit qaffaavigineqarnissaat septembarip 6-ani tassanngaannaq akuersissutigaat, taamaalillutillu qaleralittassiissutit naalakkersuinikkut aalajangiunneqartut ullumikkut biologit siunnersuinerannit marloriaammik annertussuseqalerlutik.

– Sinerissap qanittuani qaleralinniarnerup MSC-mik akuersissuteqarfigineqarnissaata ilimanassusia annikitsuararsuuvoq, MSC-mi nunanut Atlantikup Avannaaniittunut pisortaq Gísli Gíslason Sermitsiamut oqarpoq.

Aviisimi Sermitsiami atuarnerusinnaavutit. Aviisi uani ataani ataani pissarsiarisinnaavat:

Powered by Labrador CMS