Skip to main content

Pisassiissutinik allannguisoqarnissaanik tusatsiakkat ilumuunnginnerarneqartut

KNAPK aalisarnermut naalakkersuisoqarfimmut ammasumik allagaqarluni sineriammut qanittumi aalisartunut pisassiissutit allanngortinneqarnissaannik qineqqusaarnermi tusatsiakkat ilumoornersut ilumuunnginnersulluunniit pillugit paasisaqarusussimavoq.

Qineqqusaartoqarmat KNAPK-mi ilaasortat ernummatigilersimavaat, sineriammut qanittumi aalisartunut pisassiissutit 3000 tonsiusut avataasiorlutik aalisartunut nuunneqarnissaannut kattuffitsik peqataasimanersoq.

KNAPK-mi siulittaasup Henrik Sandgreenip tusatsiakkat ingerlaaginnalersimasut aamma umiatsiaararsorlutik aalisartut toqqissisimajunnaarsimanerat tunngavigalugit Aalisarnermut Naalakkersuisoqarfik erseqqissumik nalunaaruteqaqqullugu piumaffigisimavaa.

-Naamik, pisassiissutinik 3000 tonsiusunik sineriammut qanittumi aalisartuniit avataasiorlutik aalisartunut nuussinissamik pilersaaruteqartoqanngilaq, naalakkersuisoqarfimmi pisortaq Jørgen Isak Olsen Sermitsiaq.AG-mut erseqqissaavoq. Taassuma tusatsiakkat qanoq pinngorsimanersut isummerfigerusunngilaa, KNAPK-mili ilaasortat akornanni toqqisseqqittoqarnissaanut peqataarusuppoq.

Sandgreen: Namminissarsiorneq atorlugu suliassarsiorunnaaritsi

Henrik Sandgreenip påskinngitsiartoq oqallissaarummini KNAPK-p siulittaasuattut politikkerit appisaluuppai.

-Qineqqusaartut ikinngitsut ukiorpassuarni Inatsisartuniipput, taamaakkaluartoq taakkunanngaanniit oqallinneq imaqartinneqarpianngilaq, siunissaq periarfissarsiuunnagu aamma ajornartorsiutit oqaluuserinagit il.il., Henrik Sandgreen qineqqusaarnermi qaangiuteqqammersumi suliat ingerlanneqartut pimoorussinermik imaqanngilluinnartut isumaqartoq allappoq:

-Sinerissap qanittuani aalisartut tamaviaartut sullinniarsigit, namminissarsiornerlu atorlugu suliassarsiorunnaarniaritsi, aalisartut sinniisaat politikkerinut kaammattuuteqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER