aalisarnermut inatsit
Pisassiissutilerngusaannermi akerleriit nikeriarusungitsut
Naalakkersuisut kattuffit utaqqisinnaanngilaat: – Aalisarnermut inatsit politikkikkut suliaavoq
- Aalisarnermut inatsisissaq inaarsarneqassaaq.
Naalakkersuisooqatigiit isumaqatigiissutaanni qulequtaqartumi »Naligiinneq Toqqissisimaneq Ineriartorneq« partiit pingasuusut Siumup, Inuit Ataqatigiit aamma Partii Naleqqap siulittaasuisa 2016-imi oktobarip 27-anni atsiugaanni tamanna atuarneqarsinnaavoq.
2014-imiit 2018-imut qinersivik kingusinnerpaamik ukioq ataaseq qaangiuppat qaangiutissaaq naalakkersuisoqatigiillu neriorsuutitik piviusunngortissagunikkik taava piffissaaleqilissallutik.
Sermitsiaq allappoq.
Naalakkersuisut tamanna pillugu aalisarnermut inatsisissamik nutaamik Inatsisartut 2017-imi ukiakkut ataatsimiinneranni saqqummiutipallappaat pilersaarutillu malillugit aappassaaneerneqarnissaa pingajussaaneerneqarnissaalu 2018-imi upernaakkut ataatsimiinnermi pissalluni.
Siunnersuut septembarip 18-iannut killimmmik tusarniaassutigineqalerpoq.
Sulisitsisut, sulinermik inuussutissarsiuteqartut kattuffiat, SIK aamma aalisartut piniartullu kattuffiat KNAPK suliap ingerlanissaa – Naalakkersuisut aalisarnermillu susassaqartut oqallinnissaannut piffissaqarfiunngitsoq – akerleraat.
Pisassiissutilerngusaanneq pillugu allaaserisaq Sermitsiaq avisiimi tamakkerlugu atuaruk. Aviisi digitaliusoq uani pisiariuk: