Pisasseeriaatsip nutaap qaleralinniarneq pitsaanerulersikkaa
Sinerissap qanittuani umiatsiaararsorluni qaleralinniarluni aalisarnermi pisasseeriaatsip nutaapatuutilersinneqarnera aalisarnerup ukiut siuliinut naleqqiullugu ukioq manna pitsaanerusumik ingerlaneranutpeqqutaaqataasoq, Aalisarnermut Piniarnermullu Naalakkersuisoq aalisartullu isumaqarput.
Inatsisartut ukiaanerani ataatsimiinnerisa novemberimi taamaatinnerata kingorna, Naalakkersuisunut ilaasortat arlaqartut sineriammut angalapput, tassungalu atatillugu Aalisarnermut Piniarnermullu Nalaakkersuisoq, Karl Tobiassen, Siumut, decemberip aallartisimalernerani Uummannami, Ilulissani Qasigiannguanilu innuttaasunik ataatsimiitsilluni angalavoq.
Ukiorlu manna aqutsiveqarfik 47-mi sinerissap qanittuani qaleralinniarluni aalisarneq ukiut siuliinut naleqqiullugu pitsaanerusumik uneqattaarfiunngitsumillu ingerlasimasoq, illoqarfinni pineqartuni aalisartut oqaatigaat.
Pisasseeriaaseq iluatsilluartoq
Sinerissap qanittuani umiatsiaararsorluni qaleralinniarnermi qaammatikkaartumik pisassiissutit atorunnaarsillugit qaammatit pingasukkaarlugit pisassiisarnerit atuutilersinneqassasut, aalisarnerullu uninnani ingerlaannarsinnaanissaa qulakkeerniarlugu qaammatinut pingasunut pisassiissutit nungunnerini pisassiissutinik nuussisoqartassasoq, Naalakkersuisut ukioq februarimi aalajangerput.
Taamaaliornikkut ukioq kaajallallugu pisassaqarnissaq, aammali aalisartunut tunitsivinnut aamma allaffissornermut pisariillisaanissaq qulakkeerniarneqarpoq.
Aviisimi Sermitsiami sapaatip-akunnerani matumani saqqummersumi paasisaqarnerugit. Ugguuna iserfigisinnaavat:
