Skip to main content

Pinsemut niuerneq suli uninngavoq

Radiokæde ajutooqqasoq Sisimiunut Kangerlussuarmullu tele atorlugu attaveqarnermik unittoortitsisoq suli iluarsineqanngilaq

Helikopteri Tele-Postimeersunik teknikerinik ilaasoqarluni tallimanngornermi Dye one-mi sakkortusaavimut ajutooqqasumukartoq apuunnanilu utiinnartariaqarsimasoq silap ajornera pissutigalugu. Taamaattumik Sisimiunut Kangerlussuarmullu attaveqatiit suli unittooqqagallarput.

Atuaruk: Taamaammat amerlasut akissarsinngitsoorput

Atuaruk: Sisimiormiut Kangerlussuarmiullu suli attaveqanngillat

Attaveerunnermi eqqorneqarput mobili, telefoni nalinginnaasoq, internet, VHF aamma KNR radio aamma TV attaveqanngillat. Tassani pineqarput innuttaasut aammalu inuussutissarsiummik ingerlatallit attaveqaataat. Attaveerunnermi eqqorneqartut ilagaat akiliinermi atortut aningaasanillu tigusisarfiit illoqarfinni nunaqarfinnilu Pilersuisumik pisiniarfeqartuniittut.

Atuaruk: Sisimiuni Kangerlussuarmiu sakkortusaavik attaveeruppoq

Pisiniarfiit eqqugaapput
Inuit Akiliummik mastercardimillu akiliutillit aningaasanik tigusisinnaanatillu akiliumminnik akiliisinnaanngillat. Inuit pinsimut niuerniarlutik koorit immereersimagaluarlugit pisiassatik qimaannarlugit anisariaqartarput akiliisinnaannginnamik. Dankortillit kisimik akiliisinnaasarput.

A/S Inissiaatileqatigiiffiup qitiusumik allaffeqarfia aamma Sisimiuniippoq inissiaatileqatigiillu nittartagaat tassanngaanniit aamma aqunneqarpoq. Radiokædep attaveerunnerata kinguneranik nittartagaq unittooqqavoq aammalu allaffeqarfik attaveqaatitigut attavigineqarsinnaanngikkallarluni.

Inimi attaveqarnermut pisortaq Else Løvstrøm inissiaateqarfiup Sisimiut avataani immikkoortuini oqarasuaatit attavigineqarsinnaasut Facebookimi quppernerminut allattorsimavai uani takuneqarsinnaasumik.

Silap atoruminarsiiminissaa Tele-Postip utaqqimaarallarpaa Dye one-liartitseriaqqinnisaminut attaaveerunnermi pissutaasoq tassaniimmat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER