Skip to main content

Pinngortitami ikuallattoq: Nunaqarfiup asimi pisuttut ikiorniarai

Sisimiut avannaani Kangerluarsuk Tullermi ikuallanneq qamisarneqarsinnaalernialerpoq, asimili pisuttut aqqutikkut allakkoortariaqarnissaanik, qatserisartoqarfimmi pisortaq siunnersuivoq.

Pinngortitami ikuallannerup pujuliorujussuarneranit qamisaanissaq ajornakusoorsimagaluartoq, siallerneranit maanna ajornannginnerulersimavoq, qatserisartullu qamisaanertik nangeqqissinnaalerpaat. Air Greenlandip qulimiguua ataaseq qamisaalluni sulinermut marlunngormat ilaatinneqalerpoq.

Asimi pisuttunut mianersoqqusineq

Asimili pisuttut Arctic Circle Trailip aqqutaatigut pisunnginnissaannik, qatserisartut suli innersuussuteqarput.

- Uani Kangerluarsuk Tullermi aamma Nerumaq aqqusaarlugu Eqalugaarniarfiup akornanni aqqut pineqarpoq. Illuatungaatigut Eqalugaarniarfiup aamma Sisimiut akornanni Arctic Circle Trail kujallermik taaneqartartup, Sarfannguit qanittuatigut ingerlasup atorneqarnissaa, Qeqqata Kommuniani Qaterisartorqarfimmit innersuusutigineqarpoq. Aqqut inussunnik nalunaaqutsersugaavoq, tamannalu maluginiarneqassasoq pisuttut qinnuigineqarput, qatserisartoqarfiup pisortaa Ole Kreutzmann tusagassiutinut nalunaaruteqarluni ilisimatitsivoq.

Nunaqarfik ikiuukkusuppoq

Nunaqarfik Sarfannguit, UNESCO-qarfimmi inissisimasoq, piareersareerpoq innuttaasullu paasissutissiivigineqareerlutik, Kangerlussuarmiillu Sisimiunut takornarissanik pisuttunik tigusinissaminnut piareersimapput.

- Siuliani aqqut taaneqartoq atorlugu takornarissanik pisuttoqassappat kiisalu Sarfannguanut ingelaqqikkusullutik, aqqutissaminniinngikkaluartumut, taava nunaqarfiup akianiittumut Kuummut imaluunniit nunaqarfiup eqqannguani sarfaliup akiatunginnguanut Timerlermut ingerlasinnaapput. Tassanngaanniillu pisuttut Sarfannguanut ikaarunneqarsinnaapput. Sarfannguani unnuinissamik pisariaqartitsisoqalernissaanut, Sarfannguani Atuarfik piareersimavoq. Tamatuma saniatigut pisuttut pisoqqinnissaminnik kissaateqanngikkunik, Sarfannguaniit Sisimiunut angallanneqarnissamut isumaqatigiinniartoqarnissaanik periarfissaqarpoq, qatserisartoqarfiup pisortaa ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER