Pinngortitami ajunaarnersuaq
Pinngortitami ajunaarnersuarmut tunngatillugu Namminersorlutik Oqartussat immikkut e-mailimik pilersitsipput
Nuugaatsiami malissuarmik ajunaarnersuaqarneranut tunngatillugu oqartussat attaveqarfigineqarsinnaaneri ajornannginnerussaaq
Uummannap sulluani alianartumik pisoqarnerata kingorna Namminersorlutik Oqartussanut saaffiginnittussat nassitsivigisarsinnaasaannik Namminersorlutik Oqartussat immikkut pilersitsipput
E-mail adressimik nutaamik pilersitsinermi siunertarineqarpoq Uummannap sulluani alianartumik pisoqarnerata kingorna Namminersorlutik Oqartussanut saaffiginnittartussat sapinngisamik oqilisaanneqarnissaat.
Namminersorlutik Oqartussat tugassiuutinut nalunaarummi allapput.
- Pisumut matumunnga alianaqisumut tunngatillugu innuttaasut susassaqartullu allat tamarmik Naalakkersuisoqarfinnut sorliugaluartunulluunniit saaffiginninnissartik pisariaqartikkunikku tamanna tunuarsimaarutigissanngilluinnarpaat, aamma saaffiginnissutissat sumut ingerlatinneqarnissaasa nalornissutigineqarnerat pissutigiinnarlugit saaffiginnissutissat unitsinnaarneqartassanngillat, Naalakkersuisut siulittaasuat Kim Kielsen tusagassiuutinut nalunaarummi oqarpoq
Nassitsivissaq pilersinneqaqqammertumi Namminersorlutik Oqartussanut ikiorneqarnissamik tunngasut saaffiginnissutillu tassani suliarineqartassapput.
- E-mail adressemut pilersinneqaqqammersumut nassiunneqartut Naalakkersuisoqarfinnut aqutsisoqarfinnullu sulianik ingerlatsisussanut ingerlateqqinneqarlutik anngunneqartassapput, taanna oqarpoq.
E-mail adresse nassitsivigineqarsinnaasussaq tassaavoq: nuugaatsiaq@nanoq.gl