Pinngortitami ajunaarnersuaq

Pinngortitami ajunaarnersuarmit ilisimasagut

Aajuku Uummannap sulluani ajunaarnersuarmit paasissutissaangallartut

Aajuku paasissutissat pingaarnerit tulleriiaarneqarneri:

  • Arfininngornerup unnukkuani Karrani qaqqap ilaa 300 x 1100 meterisut annertutigisoq qupivoq. Tamatuma kingorna Nuugaatsiami, Illorsuarni Uummannamilu malissuarmik eqqorneqarput, GEUS taama naliliivoq.
  • Nunap sisoorsimaneranut suna pissutaanersoq suli ilisimaneqanngilaq. Nunap sajunneranit nalunaaruteqarneq piffissami matumani uppernarsarneqarsinnaanngilaq.
  • Nuugaatsiaminngaanneersut inuit sisamat suli maqaasineqarput. Taakku illup immamut amuneqarnerani illumiissimapput.
  • Inuit allat marluk annertuumik aqqunartitersimapput inuillu arfineq marluk annikinnerusumik aqqunartitsersimallutik
  • Nuugaatsiami illut aqqanillit imaanut amuneqarsimanngikkuni aseruissimapput
  • Sapaatiummat ullaakkut Nuugaatsiaq innutaasut tamaasa qimarngunneqarsimapput
  • Sapaatiummat unnukkut politiit allamik malissuaqarsinnaaneranik aarlerisaaripput, malissuullu Illorsuit, Niaqornat, Saattut, Ukkusissat Qaarsunnullu eqquisinnaalluni. Qulimiguulimmit takuneqarsimavoq qaqqap ilaa sisooriaannanngoqqissimasoq
  • Unnukkiartornerani unnukkulli Illorsuarni innuttaasut kingornalu Niaqornani innuttaasut umiarsuarmut alapernaarsuummut Vædderenimut qimarngunneqarput
  • Qimarngunneqartut ilaat umiarsuarmit Ejner Mikkelsenimit Aasiannukaanneqarput, sinnerilu Uummannakumaanneqarlutik
  • Katillugit inuit 190-it qimangunneqarsimapput
  • Vædderen piffimmut uterpoq tassani nunap imaanut sisoornissaa misissugarineqarluni

    Ataani videomi takuneqarsinnaavoq nuna sumi sisoorsimanersoq. Taamatulllu ersarissumik takuneqarsinnaavoq qaqqap ilaa sisooriaannanngorluni avissaarsimasoq.
Powered by Labrador CMS