Skip to main content

Pinngortitaleriffimmi ulloq oqaluttuarisaanermut ilannguffiusoq

Arnap nammineq nunamini siullersaalluni soraarummeerutigalugu allaaserisani illersorpaa, maannalu biologimi cand.scient.-tut imminut taasinnaanngorpoq.

Biologimi kandidatitut ilinniartoq Sascha Schiøtt Qaqortumeersoq, junip 15-anni natsit pillugut soraarummeerutigalugu allaaserisani illersorpaa.

Natsinik aamma qaleralinnik misissuineq
Allaaserisaata qallunaatoortup qulequtaat eqqorluartoq takivoq: Analyse af ringsælens brug af Ilulissat Isfjord ud fra satellit-sporingsdata, samt en analyse af ringsælers og hellefisks fødevalgskonkurrence i Ilulissat Isfjord, ud fra analyser af maveindhold.

Sascha Schiøttip Ilulissat Kangiata natsiisa kangerlummi sumut ingerlaartarnerat aqqartarnerallu qaammataasanut nassitsissutinik atortoqarluni misissorpaa. Natseqatigiit taakkua suiaassusertik utoqqaassusertillu naapertorlugit immikkuutaartarnersut kangerlummilu nuttartarneri aamma paasiniarsimavai.

- Natsiit immikkuullarissutigaat sinerissamut anillassanatik kangerlummiinnaq uumasuunertik. Natsiit aqajarui 120-t qaleralillullu 300-t aqajarui Ilulissani piniartunit aalisartuniillu pissarsiakka misissorpakka. Natsiit qalerallillu aqajaruinik misissuininni nerisamikkut unammissuteqarnersut paasiniarpara, Pinngortitaleriffiup nittartagaanut oqarpoq.

Kalaallit Nunaannut uterniartoq
Sascha Schiøtt ilinniarluni naammassiguni nunatsinnut uterusuppoq.

- Nunatsinni biologisut ilisimatusartartutulluunniit atorfissarsisinnaanissara neriuutigeqaara. Biologinngorniartartut nunatsinneersut ikippallaarsoraakka. Nunatsinni pinngortitamut qanittumik inuuneqarneq biologinngorniarnissamut soqutiginnilersitseqataasinnaasorinaraluartoq taamaattoq pinngortitalerinermik imalinnik ilinniagaqalersartut suli ikippallaarput. Maani inuusuttorpassuit nunani allamiunut sanilliullutik pinngortitamut pissanganartulissuarmut qaninnerusaraluaqalutik allanik ilinniagaqalernissaq qinertarpaat, Sascha Schiøtt naggasiivoq.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER