Skip to main content

Pinngortitaleriffik: Appat nunatsinneersut nungutitaariaannaapput

Avannaani upernaakkut appanniarsinnaaneq Pinngortitaleriffiup sakkortuumik mianersoqqussutigaa.

Upernavimmi Uummannamilu januaarip tallimaanit upernaanerani appanniartoqaqqissiinnaanngornera Pinngortitaleriffiup sakkortuumik qisuariarfigaa.

- Nunatsinni appat ineqarfii aalaakkaasumik imaluunniit amerliartorfiullutik killiffeqartut taamaallaat Qaanaap pigisaani amiakkuulerput. Nunattali sinnerani appat ineqarfii 14-iusut appaarunnissamik imaluunniit ikiliartorfioqalutik aarlerinartorsiorput. Appat Nunatsinni piaqqisartut 77 %-ii Qaanaap pigisaani piaqqiortarput, appaqarfiillu tamakkiisumik isiginiarlugit annerpaat tulleraat Upernaviup pigisaa - tamaani appat Nunatsinni piaqqisartut katillugit 19 %-ii piaqqiortarmata. Appat Upernaviup pigisaaniittartut ajornartorsioqaat, Pinngortitaleriffimmi seniorforsker Flemming Ravn Markel tusagassiuutinut nalunaarummi erseqqissaavoq.

Ineqarfiit ikilerujussuarput

- Upernaviup avannaani ineqarfiit amiakkuulersut Apparsuit Kippakullu appai 1990-ikkut ingerlalerneriniit katillugit 46 %-it missaanni ikileriarsimapput, Upernaviulli kujataatungaani ineqarfinni appat ukiuni taakkunanissaaq katillugit 74 %-it missaannik ikileriaateqarsimallutik. Upernaviup kujataatungaaniittut appat ineqarfii allat marluk 2003-minngaanniilli appaarutivissimapput, allat marluk ima appaarussimatigalutik allaat appaarutivinnissaat aarlerinarluni. Taamaattumik nalunaarummi aalajangersagaq §8, imm. 6 naapertorlugu piffissami 15. apriilimiit 15. maaji tikillugu ukiormanna upernaajunerani appanniartoqarsinnaanissaa appat taavaniittartut suli ikileriaateqangaarnerunissaannik qularutissaanngivissumik kinguneqarataannaavoq, seiorforskeri nassuiaavoq.

Timmissat piaqqiorfiisa nalaani eqqissisimatitsinissaq Pinngortitaleriffiup neriuutigisimagaluarpaa.

- Kalaallit Nunaata kitaata imartaani ukiuunerani appanniartarneq sukateriffigeqqinneqarsimagaluartoq, taamaattoq aqutsiveqarfimmi Upernavik-Uummannami appattarineqartartunik tamanna nalimmassaataanavianngilaq. Tassami kitaata imartaani ukiuunerani appattarineqartartut amerlanerpaartaat nunanit allaneersuusarmata Svalbardimit, Islandimit aammalu Canadameersuusarlutik. Peqatigisaanik Svalbardimi Islandimilu appat ikiliartupiloorput, taamaattumillu Kalaallit Nunaata kitaata imartaani appanniartarnernik sukatereqqinnera taakkununnga tunngatillugu iluaqutaassaaq, kisiannili appanut Nunatsinni piaqqisartunut annikitsuinnarmik iluaqutaassalluni.

Qaanaap pigisaani appanniarsinnaaneq immikkut akuersissutigineqarpoq

Qaanaamullu tunngatillugu timmissat pillugit biologit suinnersuinerat allaaneruvoq. Taavunga tunngatillugu biologit isumaqarput appat piniagaasinnaanerat immikkut ittumik akuersissutigineqarsinnaasoq, tassami taavani appat piaqqisartut amerliartunngikkunik aalaakkaasumik inissisimammata.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER