Pinngitsuutinneqareernermi kingorna: Pinngitsuunera qularinngilara

Danskit nalunaaqutaat malillugu nalunaaqutaq 15.00 Carsten Frank Hansenip Odensemi eqqartuussivimmi inernilerneqarpoq, pinngitsuutinneqarporlu.

Carsten Frank Hansenip eqqartuussinerup inernera nuannaarutigaa. Danske Andelskassers Banks fynske filial Odensemi Carsten Frank Hansenip inuussutissarsiornermut tunngasunik siunersuisarfimmi pisortatut atorfeqarsimanini unnerluunneqaatigaa, piginneqatigiiffiup X-ip 1,9 million koruuninik aningaasanik atornissamut qinnuteqaataanut akuersisimanera unnerluunneqarpoq.

Unnerluummi ilaatigut allaqqavoq Carsten Frank Hansen 335.000 koruuninik Amagerbankimut nuussisimasoq piginneqatigiiffimmut Y-mut. Aqaguani nammineq kontoanut aningaasat ilineqarput, aningaasaateqarfillu Danske Andelskassers Bank 335.000 koruuninik annaasaqarluni.

Illersuisoq
Carsten Frank Hansenip illersuisuata Mogens Juhlip nassuiarpaa sullitani qanoq sulisimanersoq.

Unnerluussisup Kirsten Flummerip Carsten Frank Hansenip parnaarunneqarnissaa kissaatigigaluarpaa kiisalu aamma inuiaqatigiinni sulinissaa aamma kissaatigalugu.

Tuppallerneq
Carsten Frank Hansenip annakkuummernerup pianik qullilivoq pinngitsuutinneqareernermi kingorna.

Eqqartuussisoqareernerata kingorna Carsten Frank Hansen annikitsumik Sermitsiaq.AG-mut oqaaseqarpoq.

- Maannakkut oqaatigiuminaappoq qanorpiaq misiginersunga. Peqquserluttuliortuunngilangami, taamaattumik tuppallernaqaaq eqqortumik una inerneqartimmat.

- Misigissuserpassuaqarallarpunga maannakkut. Nuannaartorujussuuvunga.

Carsten Frank Hansenimut ilaqutaanullu qaammatit kingulliit ajornanngitsuinnaasimanngillat, taamaammallu sulinngiffeqarallaqqalluni.

Carsten Frank Hansen Sermitsiaq.AG-mut annertunerusumik oqaaseqassalluni neriorsuuteqarpoq.