Skip to main content

Pinnersaatit, kukkukuut puulukillu Kujataani

Inuit Ataqatigiit Kujataani inuussutissarsiutit ineriartortikkusuppaat ilaatigut pinnersaasiornermik ilinniarfimmik pilersitsinikkut, kiisalu kukkukuunik puulukinillu tunisassiulernikkut.

Inuit Ataqatigiit Kommune Kujallermi kommunalbestyrelsimut qineqqusaarnermi 20-nik sassartitaqarput, pingaarnertullu qineqqusaarutigaat Kuannersuarnut tunngatillugu suliap unitsinneqarnissaa. Aviisi Sermitsiaq allappoq.

Inuussutissarsiutinik suli inerisaarusupput, ilaatigut Kujataani ujarappassuit pinnersaasiaasinnaasut atorluarlugit ujaqqanik pinnersaasiornermik ilinniarfimmik pilersitsinikkut, pinnersaasiorfeqalernissaq, kiisalu nunalerineq savaateqarnerlu suli inerisaqqillugit, kukkuunik puulukinillu aamma  tunisassiulertoqarsinnaaneranik anguniagaqarlutik.

- Inuit Ataqatigiit qineqqusaaruterpassuaqarput, pingaarnerilli pingasut taarusuppakka. Tupinnanngitsumik siulleq Kuannersuarnut tunngavoq, tassami Kuannersuarni aatsitassarsiortoqannginnissaa tamatta qineqqusaarutigissallugu isumaqatigiissutigigatsigu. Pinnersaasiassanik katersisinnaaneq periarfissarsiuukkusupparput Kujataami ujarappassuaqarpoq pinnersaasiaataasinnaasunik. Aamma pinnersaasianik tunisassiortoqalersinnaanissaa ammaakkusupparput, kiisalu pinnersaasiornermik ilinniarfimmik pilersitserusulluta. Tamanna Naalakkersuisut suleqatigalugit pissaaq, Stine Egede Inuit Ataqatigiit sinnerlugit kommunalbestyrelsimut qineqqusaaqqittoq oqarpoq. 

Misileraavik Upernaviarsuk suli inerisaqqikkusuppaat.

- Upernaviarsuk nunalerinermut tunngasunik savaatilinngornianullu ilinniarfiuvoq, uagullu periarfissarpassuarnik suli peqartoq takusinnaavarput. Soorlu kukkukuujuteqarneq puulukinillu peqalersinnaanera tunisassiarineqarsinnaasut. Aamma naatitanik tunisassiorneq suli annertusarneqarluarsinnaalluarpoq.

Aviisimi Sermitsiami atuarnerusinnaavutit, aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER