mingutsitsineq
Piniutaarsiutit aalisakkanik pisaqartuartut
Piniutit annaaneqarsimasut immap naqqani amerlaqisut ukiut ingerlanerini aalisagarpassuarnik pisaqartuartutqallorneqartariaqartut, aalisartut isumaqarput
Qeqertarsuup eqqaani qassusersorluni nipisanniarneq saarullinniarnerlu annertusiartuinnartumik ingerlanneqarpoq, aalisakkallu allat soorlu qalerallit qeeqqallu ningittagarsorluni aamma aalisarneqartarput. Piniutilli amerlaqisut qaqinneqanngitsoorlutik tammaaginnarneqartartut amerlapput – taakkulu immap naqqani annertoqisumik siaruaassimasut ukiut ingerlanerini aalisagarpassuarnik pisaqartarput.
Aammali angallatit raajarniutit imartaq annertoqisoq wirererpassuarnik eqqaaffigisarsimavaat. Aammali pullatit saattuarniutit amerlasuut qaqinneqanngitsoortarput. Immap naqqanut eqqakkat piniutaarsiutillu aalisakkanut akornutaaginnaratik, aalisarnermut akornutaasarput.
Qassutit saavigussarpassuit
Immap naqqata salinneqarnissaa kommuninit akusussaaffigineqarpoq. Aasaq manna aalisartoq Elias Enoksen angallat atorlugu akkiiniuserluni Qeqertarsuup eqqaani saliitinneqarpoq.
– Qassutit ningittakkallu wirerikunut akulerussimasut amerlapput, tamakkulu immap naqqani ukiorpassuarni aalisakkanik pisaqartuartarput imaaliallaannaq asiuneq ajoramik, Elias Enoksen oqarpoq.
Ajornartorsiut pillugu allaaserisaq Sermitsiaq avisiimi tamakkerlugu atuarsinnaavat, aviisi uani pisiarisinnaavat: