Skip to main content

Piniartoq nunamut kilometerinik qulinik ungasitsigisumi uummarsarneqaraluartoq

Piniartoq ataasinngornermi unnukkut Kullorsuup eqqaani Upernaviup avannaaniittumi ajunaarpoq

Ilanngutassiaq nalunaaqutaq 15.24 nutaamik qulequtserlugu paasissutissanillu nutaanik Upernavimmi politiineersunik ilaartorneqarpoq

Upernavimmi politiit uppernarsarpaat nuanaqarfiup Kullorsuup eqqaani ataasinngornerup unnukkuani piniartoq qaannamik ajunaarsimasoq nassaarineqartoq.

- Maannakumut paasissutissanik annertunerusunik peqanngilagut, kisianni oqaatigisinnaavarput piniartoq qajartorluni ajunaarsimasoq, Upernavimmi politiineersoq Kristian Nielsen oqarpoq.

Taanna Sermitsiaq.AG-mut oqaluttuarpoq, maanna politiit angallammik Kullorsualiassanerlutik paasinialeruttoraat, tassani suna toqqutigineqarnersoq paasiniassagamikku.

Ajunaartoq
Sikup killingani qilalugarniartillutik angut Kullorsuarmeersoq ajunaarpoq, piniartoq qaannamik kinngunermi kingorna ipivoq. Ajutoorneq ataasinngornermi unnuap qeqqata missaani pivoq, Upernavimmi politiit taama paasissutissiipput.

Upernavimmi politiit paasissutissaataat naapertorlugit, qilalugarniartut nunamut kilometerit qulit missaanni ungasitsigisumiissimapput.

- Arlaqartut ajunaartoq ilagaat ingerlaannartumillu ikiorlugu, kisianni ajoraluartumik uummartissinnaasimanngilaat, Christian Mikkelsen Upernavimmi politiineersoq oqaluttuarpoq.

Taassuma aamma oqaatigaa ilaqutaasut nalunaarfigineqareersut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER