Skip to main content

Piniarnermik inuussutissarsiuteqarnermik attuumassuteqartumik nipitittagaqalersoq

Kalaallit Nunaanni piniartoqarnera nersorniarlugu nipitittaqqamik Tele-Post saqqummiivoq

Tele-Postip 2014-imi nipitittakkanik kingullerpaamik saqqummiivoq marlunnik aallartippoq, tassalu kalaaliusugut piorsarsimassutsitsinnut kinaassutsitsinnullu pisat pingaaruteqassusaannik nersorinninnermik imaqarpoq. 

Tele-Post tusagassiutinut nalunaaruteqarpoq. 

Ivalo Abelsenip nangeqattaartuni 2015-imi naammassisussani titartakkat siulliit marluk titartagarai.

Nangeqattaartuni Kalaallit Nunaanni inuinnaat silaannakkut angallanneranni nipitittagaq nutaaq saqqummissaaq. Nipitittakkap assiliartaanik aammaarluni suliarinnittuuvoq eqqumiitsuliortoq Norgemeersoq Martin Mörck.

Martin Mörckip aammattaaq titartarlugulu kigartorpaa nangeqattaartut Kalaallit Nunaanni ilisimasassarsiornerit malunnaatillit aqqaneq-aappassaat kingullerlu. 

Nipitittagaq pineqartuni marlunni Jørgen Brønlundip, Niels Peter Høgh Hagenip aamma Ludvig Mylius-Erichsenip 1906-imiit 1908-mut ilisimasassarsiornerat tusaamasaasoq arkitut ilivitsutut miniarkitullu saqqummertussaq nersorniarneqarpoq, Tele-Post allappoq. 

New Zealand Post peqatigalugu frimærki arkitut ilivitsutut aammalu miniarkitut aammattaaq saqqummersissavarput. Allakkeriveqarfiit marluusut taakku miniarkiliaat aammattaaq mappitut tammajuitsussatut pisiarineqarsinnaapput qulequtaralugu Isuaniit isuanut. 1938-mi siullerpaamik frimærkimik saqqummiigattali frimærki taanna saqqummersittakkatsinni ammalortut siullersaraat.

- Lisbeth Karline juullip frimærkiinik suliarinnittuuvoq, taakkunani ersersinneqarpoq  TV-kkut juullilernerani aallakaatinneqartartoq Kalaallit Nunaannut juullimi inuulluaqqusineq. 

Ukioq frimærkileriffiusoq 2014 naggataaruteqassaaq ukiup mappianik, taanna ukioq manna nunatsinni frimærkiliarineqartunik miniarkinillu tamanik imaqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER