Piniariat qulimiguullip nassaarai

Umiarsuup nakkutilliissutip Vædderenip qulimiguulia Lynx sapaammi ujaasitinneqarpoq piniariat sisamat Paamiuneersut maqaasineqalermata. Qujanartumilli tamarmik ajunngitsut nassaarineqarput.

Sunaaffa piniariat angallataat sarpeersersimasoq. Taamaattoq Qeqertarsuatsiaat eqqaaanni qeqertami illuaraq piniariartarfik tikissinnaasimavaat tassanilu tassa Arktisk Kommandop qulimiguuliata nassaarai tamarmik ajunngitsut.

- Angallataat sarpeersersimavoq Paamiunullu kalinneqarnissartik kissaatigaat, Arktisk Kommando nalunaarpoq.