Skip to main content

Piniariarnissamut piareersarnerlunnerit inuunermik aamma millioninik naleqarsinnaapput

Innuttaasut aallannginnerminni natortulersorluartarsimagaluarunik, ujaasinerpassuit pinngitsoortinneqarsinnaagaluarput

Kalaallit Nunaata Politiivi 2015-imi ujaasinernut annaassiniaanernullu 70-it sinneqartunut peqataapput, tassani inuit maqaasineqartut imaluunniit periarfeerunneqartut nunakkut imaatigullu ujarneqartarput.

Siornalu suliat misissorneqarnerisa takutippaat, suliat 15 procentii tikillugit pinngitsoortinneqarsinnaagaluarput, innuttaasut piareersarluarsimasuuppata aamma atortut eqqortut angalanerminni nassarsimasuugunikkit.

Atuaruk: Ujaasinermi 100.000 koruuninik suli akissarsiassaqartoq

Nunatsinni Politiit ukiup ingerlanerani nunakkut imaatigullu ujaasisaqattaartareerput, aavarfiullu nalaani ikinnerulerneq ajorput, aamma tuttunniarnerup maanna aallarteqqammersup nalaani.

Nukissanik naleqartoq
- Ujaasineq nukissanik annertuumik atuititsisinnaasarpoq, naggataagullu ajornartoortunut aamma inuiaqatigiinnut akisoorsuusinnaasarpoq, Nunatsinni Politiini unnerluussisoq Adam Fichermann tusagassiuutinut nalunaarummi naqissusiivoq.

Atuaruk: Ujaasineq taarseeqqusinermik kinguneqarsinnaavoq

- Qanoq iliornissamut piareersaateqarluanngikkaanni inuup inuuneranik naleqarsinnaanerata saniatigut aamma ujaasineq suliassanut allanut nukissanik atuisinnaanermut ajoqutaasarpoq. Ajornerutillugulu ujaasinerup pisariaqanngitsup, inuunermut pingaarnermik suliassaq kinguarsarsinnaavaa, taanna ilanngullugu oqarpoq.

Politiit arlaleriarlutik naammattoortarsimavaat, ujaasinerit pisariaqanngitsut aallartinneqartarsimasut, ujarneqartut sumunnarnertik qanorlu sivisutigisumik peqannginnissartik, imaluunniit ajoratik uternertik nalunaarutigisimannginneranik pissuteqartumik.

100.000 koruunit tikillugu akeqartoq
Kalaallit Nunaata politiivisa siorna ujaasinerit misissorsimavaat, piareersarluartoqarsimagaluarpat ujaasinerit 15 procentii tikillugit pinngitsoortinneqarsinnaagaluartut paasivaat.

Ujaasinerit nammineq pisuussutigineqartut 10.000 aamma 100.000 koruunit akornanni akeqartarsimaut, Adam Fischermannip oqaluttuaraa.

Angallatinik attartortariaqartut
Taakku akiisa assigiinnginnerat ujaasinerit sumiinnerinut, sumiiffiisa ungasissusaannut aamma annanniutit suut atorneqarnerinut tunngassuteqarpoq. Tassami politiit angallatinik qulimiguulinnillu attartortariaqakkajupput.

Kalaallit Nunaata politiivi ukiuni kingullerni arlaleriarlutik inunnik aalakoorlutik aallarsimasunik kingornatigut annaanneqartariaqartunik ujaasisariaqartarput. Orsussamik naammattumik nassannginnertik, ajutoornermi atortunik nassannginnertik imaluunniit - nammineq ilanngullutik - sumiinnertik ilisimannginnerat pissutigalugit.

Atuaruk: Aavariaq ullut arlaqartut periarfeerunneqareerluni ajunngitsoq nassaarineqartoq

Misilerarneqaqqaartariaqartut
Atortut ‘ajorneq ajornerannik’ eqqarsaannarneq naammanngilaq. Aallannginnermi misilerarneqartariaqarput, aamma angalaffissaq ilinniarlugu misissorneqaqqaartariaqarpoq.

- Tamakku saniatigut aamma VHF-radiomut aamma GPS-imullu aningaasaliissuteqarneq silatusaarneruvoq. Nerisassat, atisat oqortut, batteriit aamma immiissutit angallammi minnerpaamik pigineqartariaqarput, Adam Fichermann oqarpoq.

Imaatigut ujaasinerit motoorimik ajutoornermik pissuteqakkajuttarpoq - amerlasuullu atortussamaatitik piareersimatinneq ajorpaat.

Pisunnermik periarfeerussat
Tamakku saniatigut aamma politiit nunakkut periarfeerussanik amerlasooriarlutik ujaasisarput. Tamanna aasaanerani pinerusarpoq, tassami amerlasuut qaqqamut pisuttarput, imaluunniit aavariartarput.

Tassani sumiinnermik paatsiveerunneq ajornanngitsuaraasoq eqqaamaneqartariaqarpoq, mobilikkullu attaveeruteriasaartoqartartoq.

Siunnersuutitsialaat qulingiluat
Kalaallit Nunaata politiivi taamaattumik umiatsiamik angalasunut, aavarianut pisuttunullu qulingiluanik siunnersuutitsialaqarput:

  • Kisimiillutit angalanak
  • Angalanermi oqortunik atisanik nassarit
  • Nerisassamaatinik nassarit
  • GPS-imik aamma VHF-radiomik angallattakkamik nassarit
  • Immap nunallu assinganik angalanermi nassarlutillu malinnaagit
  • Ajutoornermi atortunik nassarit. Qummoroortitsissutaasinnaavoq, folietæppe (radarinut qinnguartaatitut aamma atortoq), ikittartut, aalisariutit, ulissuaq sungaartoq aappaluartoq, tarrarsuut kalerrisaarutaasinnaasoq, nipittartut allallu.
  • Aallarnerit sumunnarnerillu nalunaarutigiuk
  • Kingusinaaruit nalunaarutigiuk
  • Angerlaqqikkuit nalunaarutigiuk
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER