Skip to main content

Pingasut sapiitsuliorlutik annaasinerminnut nersorneqartut

Paamiuni innuttaasut marluk aamma Sisimiuneersoq ataaseq Carnegies Belønningsfond for Heltemodimit medaalianik tunineqarput

Carnegies Belønningsfond for Heltemodip medaalianik aamma aningaasanik Gustav Karl Jan Åge Olsenimut Sisimiuneersumut aammalu Hans-Kristian Rosingimut, Titken Tobias Peter Daniel Poulsenimullu tunniussaqarniarluni qanittukkut aalajangiuppaa.

Taakkununnga angutinut pingasunut immikkut medaaliat aamma 20.000 koruunit tunniunneqarput, ajutoornerni marlunni sapiitsuliornermik takutitsinertik aamma inuup inuuneranik nammineq inuunertik ulorianartorsiortillugu annaassinertik pissutigalugu.

Meeqqat aamma utoqqaat annaakkaat
Nersornaat siulleq juunip 27-ni 2014-imi annaassiniarnermut atatillugu tunniunneqarpoq.

Tassani Gustav Karl Jan Åge Olsenip aamma Hans-Kristian Rosingip inuillu allat arfineq-marluk, angallat ilaaffigisaat iluliaminermut aporpoq.

Ilaasut pingasut meeraapput.

Gustav Karl Jan Åge Olsenip aamma Hans-Kristian Rosingip nakimaatsumik iliuuseqarnerisigut ilaasut uumatillugit nunamut pisinneqarput, Politimesteri Bjørn Tegner Bay nersornaasiinerminut tunngavilersuummini oqaluttuarpoq.

Aquttarfimmi ipingajattoq
Angallammi ilaatigut angummik utoqqarmik, angallatip itisuumut kivereernerani suli aquttarfimmiittoqarsimavoq.

- Gustav Karl Jan Åge Olsen aamma Hans-Kristian Rosing sapiitsuliorsimanngitsuugunik, inuunertillu ulorianartorsiortissimanngikkunikku inuit arlallit umiiarnermi toqusimassagaluartut isumaqarpunga.

Taakku angutit marluk juunimi annaassiniartut akissarsitinneqarnissaminnut innuttaasumik aamma politiinit innersuunneqarput.

Qimmiminit itertinneqartoq
Carnegies Belønningsfond for Heltemodip aamma aalajangiussimavaa, Titken Tobias Peter Daniel Poulsen Paamiuni innuttaasoq, medaaliamik aamma 20.000 koruuninik akissarsitinniarlugu, marsip 14-ni 2014-imi annaassiniaqataanera pissutigalugu.

Unnukkut issittumi anorlertumilu, Titken Tobias Peter Daniel Poulsen, aalisariummini Paamiut talittarfiani sinitsilluni qimmimi qilunneranik iteriasaarpoq.

Angallatip qaavanut pigami, angut immamut talittarfiup eqqaani nakkarsimasoq, nammineerlunilu immamit nillertumit qaqinissaminut periarfissaqanngitsoq takuaa.

Sikuminermi nikorfasoq
Titken Tobias Peter Daniel Poulsen nakimaatsumik qisuariarluni sikuminermut aqqarpoq, inullu tassunga qaqillugu, taassumalu kingorna angallammut eqquppaa, namminerlu atisaminik aamma atukkerlugu, politimesteri sapiitsuliornermut medaaliamik tunniussinerminut tunngavilersuummini allappoq.

Inuup ajutoornini uumalluni anigorpaa.

 Isumaqarpunga Titken Tobias Peter Daniel Poulsenip sapiitsuliornermigut angutip inuunera annaakkaa, namminerlu inuunini ulorianartorsiortillugu-

Paamiuni aalisartoq innuttaasumit akissarsititsinissamut innersuunneqarpoq.

Allaaserisat Paamiunut tunngasuteqartut tamaasa uani atuakkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER