Pingasut apummit sisoorfigitittut - assaalluni ikiorneqartut

Sisimiut timaani angalassalluni piffissami matumani ulorianartorujussuuvoq, apummik sisoortoqarnissaa aarlerinartorujussuunera pissutigalugu.

Sisimiuni politiit sisamanngornermi apummik sisoortoqarsimaneranik nalunaarfigineqarput. Inuit pingasut assalluni ikiorneqartariaqarsimapput, apummik poorneqarsimanerat pissutaalluni.

Taamaattumik innuttaasut sisorartillutik imaluunniit qamuteralatsillutik nunap timaani mianersoqqissaartarnissaat, politiit maluginiaqquaat.

Mannguttoq

Ulluni kingullerni silap manngunnera pissutaavoq.

Nuummi politiit aamma illoqarfiit pingaarnersaanni innuttaasut Quassussuup aamma Ukkusissap eqqaani angalanerminni mianersoqqunikuuaa, aputip sisoorsinnaanera pissutaalluni.

Powered by Labrador CMS