Skip to main content

Pingasunngornermi 24-t tunillatsissimasut paasineqarpoq - Nuummi tuniluuttoqalerpoq

Nuummi tunillatsissimasut amerliartorput. Nunatsinni Nakorsaaneqarfimmit kikkut tamarmik mianersornissaat kaammattuutigineqarpoq.

Nuummi ullormi kingullermi coronamik tunillatsissimasut 23-t Qeqqatalu Kommuniani ataaseq nassaarineqarsimapput. Nunatsinni Nakorsaaneqarfiup ullormut kisitsisaataasa tamanna takutippaa.

Taamaalilluni Nuummi tuniluuttoqarnera killormut ingerlavoq, marlunngormat tunillatsissimasut nutaat 14-t nassaarineqarmata.

Nuummi suli tunillatsissimasoqarpoq, meeqqerivinni ilisimaneqartutut tunillatsissimasunut toqqaannartumik attaveqarsimasuni. Meeqqat marluk tunillatsissimasunut ilaaput, Nunatsinni Nakorsaaneqarfik allappoq.

Nuummi sumi tamaani tuniluuttoqartoq

Tamatuma saniatigut imerniartarfinni aamma tunillaasoqarsimavoq:

- Inersimasuunerusut tunillatsissimapput. Taakku ilarpassui tallimanngormat arfininngormallu illoqarfimmiissimapput, ilaatigullu Kalistiinaaqqamiissimallutik, Daddyssimiissimallutik Skybarimiissimallutillu. Taakku amerlanersaat Kalistiinaaqqamiissimapput.

- Tunillatsissimasut sumiissimaneri paasiniarlugit erseqqinnerusumik paasiniaasoqarpoq. Tunillatsissimasut ilaat ataaseq sanasut suliffeqarfianni anginerusumi sulisuuvoq, allalu suliffeqarfimmi angisuumi sulisuulluni, nakorsaaneqarfik allappoq.

Nunatsinni Nakorsaaneqarfiup erseqqissaassutigaa, Nuummi tuniluuttoqarnera illoqarfiup qeqqani paaqqinnittarfinnit siammarsimariarluni maanna allanngorluni innuttaasut amerlanerit angusarlugit tuniluuttoqalersimasoq.

- Illoqarfimmi sumiiffinni tamanit tunillatsittoqarsinnaavoq, taamaammat kikkut tamarmik tuniluunneq siammatsaaliorniarlugu mianersornissaannik kaammattorneqarput.

 

Takussutissaq: Nunatsinni Nakorsaaneqarfik

Nuummi Dr. Ingridip Peqqissaavia Facebookikkut allassimavoq, Nuummi corona pissutigalugu sulisut tamaviaartut.

- Peqqissaavimmut attaveqarnissaq utaqqissunneqarsinnaaguni, tallimanngorpat attaveqarnissaq kaammattuutigineqarpoq, Peqqissaavik pingasunngormat ullup-qeqqanut nutaarsiassiiluni allappoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER