Pinerluuteqarsimasut puigukkat: Kigaatsumik ajattukkatut anisitaaneq
Pinerluuteqarsimasut eqimattat immikkuullarissut siullermeerlutik misissuiffigineqarput. – Taakku Danmarkimi qanoq ingerlariaqqinnerat Kalaallit Nunaanni arlaannaataluunniit soqutigerpasinngilaat, ilisimatusartut nassuiaapput.
Nunatsinni ilisimatusartup ataqqineqarluartup, Annemette Nyborg Lauritsenip, pinerluuteqarsimasut tarnimikkut napparsimasut annertuumillu aningaasartuuteqarfiusariaqartut atugaat ernummatigilluinnarpai:
- Pineqaatissinneqarsimasut tarnimikkut napparsimasut kalaallinit inuiaqatigiinnit avissaartitaasimasutut oqaatigineqarsinnaapput. Puigorneqartutut aamma ajortumik isigineqartuartutut ipput, lektor, ph.d. Annemette Nyborg Lauritsen, Ilisimatusarfimmi immikkoortortaqarfimmi pisortaq aamma pinerluttulerinermi kiffaanngissusiiagaanermik ilisimatusartoq nassuiaavoq.
Annemette Nyborg Lauritsen aviisimut AG-mut taama oqarpoq.
- Inuit tamakkua qanoq atorsaanerusumik atugaqalersinnaappat?
- Kalaallit Nunaanni naleqquttunik inissinneqarfissaannik pilersitsisoqarneratigut. Ullumikkut amerlasuut danskit eqqartuussiveqarfiinut pigaangata Kalaallit Nunaata soqutigiunnaartannguatsiarpai, taanna naliliivoq.
»Aallartinneqariarlutik anisinneqartartut«
Aalborg Universitetimi lektori, Mette Rømer peqatigalugu, atuagassiami Social Kritikimi malunnartumik allaaserisaqarpoq, tassani tarnimikkut napparsimasut pineqaatissinneqarsimasut (Danmarkimut aallartinneqartartut) atugaat pillugit nassuiaasoqarpoq.
Atuarlugu ilaatigut sakkortusinnaavoq.
Tarnimikkut napparsimasut pineqaatissinneqarsimasut eqimattat immikkuullarissut »Kalaallit Nunaanni oqartussanit nunagisaminniillu ungasilliartuinnarlutik – kigaatsumik anisitaajartortartut« ilisimatusartut taakku marluk ilaatigut allapput.
– Inuit qassit tassani pineqarpat?
- Oktobarimi 2021-mi inuit 28-t pineqaatissinneqarsimasut Danmarkimiittut, misissuinitta takutippaat, Annemette Nyborg Lauritsen ilisimatitsivoq.
Aviisimi AG-mi atuarnerusinnaavutit. Aviisi uani pissarsiariuk:
