Skip to main content

Pinerluuteqarsimasunik Isumaginnittoqarfik pineqaatissinneqarsimasunut tunngatillugu malittarisassanik unioqqutitsisimasoq

Pinerluuteqarsimasunik Isumaginnittoqarfiup Nuummi pineqaatissinneqarsimasunut inissiissarfimmiittussanngorlugu piffissaligaanngitsumik pineqaatissinneqarsimasumut atatillugu malittarisassat malissimanngilai. Taamatut ilisimatitsivoq inatsisinik atuutsitsinermut ministeri.

Kalaallit Nunaanni Pinerluuteqarsimasunik Isumaginnittoqarfik piffissaligaanngitsumik pineqaatissinneqarsimasut anisarnissaannut malittarisassanik minnerpaamik 41-riarluni unioqqutitsisimavoq.

Inatsisinik atuutsitsinermut ministeri Nick Hækkerup (Soc) Folketingimi Kalaallit Nunaannut tunngatillugu Ataatsimiititaliamut ilisimatitsissuteqarnermi taamatut paasissutissiivoq.

Kalaallit Nunaanni Pinerluuteqarsimasunik Isumaginnittoqarfik malittarisassanik malinnittoqarsimanngitsoq paasinarsimmat nammineerluni misissuisimavoq.

Suliami pineqarpoq, piffissaligaanngitsumik pineqaatissinneqarsimasoq assersuutigalugu nakorsamit misissorneqartussaatillugu imaluunniit inissiisarfimmi allatut katsorsarneqarsinnaannginnerani immikkut ittumik inissiisarfimmit anisinnaatitaanera.

Atornerluisoqarsimaneranik takussutissaqanngitsoq

 Piffissaligaanngitsumik pineqaatissinneqarsimasoq aninissamut akuerineqartinnagu, Naalagaaffiup eqqartuussissuserisuanit oqaaseqaammik pissarsisoqartussaavoq aamma Kalaallit Nunaanni Pinerluuteqarsimasunik Isumaginnittoqarfiup pisortaanit akuersissummik pissarsisoqartussaalluni – tamannalu minnerpaamik 41-riarluni pisarsimanngilaq.

Malittarisassaq malinneqarsimanngikkaluartoq, arlaatigut aaqqissuussamik atornerluisoqarsimaneranik takussutissaqanngitsoq inatsisinik atuutsitsinermut ministeri erseqqissaavoq:

- Maluginiarneqarpoq 41-riarluni immikkut anisoqarsimanerani kigutit nakorsaannukarnissaq napparsimmavimmulluunniit pulaarnissaq isumagineqarsimasoq, soorlu anisoqarnerani nakkutilliisunik marlunnik peqataasoqartarsimasoq.

Inatsisilerituumik sullissisoqartalissasoq

- Pinerluuteqarsimasunik Isumaginnittoqarfiup Aqutsisoqarfianit ilanngullugu ilisimatitsissutigineqarsimavoq, ilaqarluni immikkut anisoqarsimaneranut atatillugu arlaatigut atornerluisoqarsimanngitsoq, inatsisinik atuutsitsinermut ministeri ataatsimiititaliamut allappoq.

Kalaallit Nunaanni Pinerluuteqarsimasunik Isumaginnittoqarfik taamatut siunissami kukkusoqaqqittoqannginnissaa anguniarlugu inatsilerituumik Nuummi pineqaatissinneqarsimasunut inissiisarfimmi sullissisussamik atorfinitsitsisimavoq.

Kalaallit Nunaanni Pinerluuteqarsimasunik Isumaginnittoqarfimmi pisortap Naaja H. Nathanielsenip pisimasoq ajuusaarnartuunerarpaa. Taassuma Sermitsiaq.AG-mut ilisimatitsissutigaa, Nuummi pinerluuteqarsimasunut inissiisarfik anisarnermut atatillugu inissiisarfimmi ammasumi malittarisassat piffissap ilaani suli malinneqartassasut.

- Inissiisarfinni matoqqasuni allanik malittarisassaqartoqarnera eqqumaffigineqarsimanngilaq. Inissiisarfitoqqami taamaallaat ammasumik immikkoortortaqarfeqarpoq, Naaja H. Nathanielsen oqarpoq.

Taassuma oqiliallaatiginerarpaa, anisarsimanerit isumannaatsumik iliuuseqarnikkut sulisunik marlunnik ilaqartitsinikkut pisarsimanerat aamma peqqissuunissamut atatillugu taamaallaat anisoqartarsimanera.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER