innarluutillit
Pinerlussimannginnissamik siunersuut Inooqammit isumaqatigineqartoq
Innarluutilinnik sullississagaanni pinerlussimannginnissamik uppernarsaateqaqqaartoqartalernissaanik Inuit Pisinnaatitaaffiinut siunnersuisooqatigiivisa siunersuutaat Inooqammit isumaqatigineqarpoq
Atuagagdliutitinit maajip 21-ani allaaserineqartumi allaaserisami atuarneqarsinnaavoq 58-inik ukiulik Lili Naja Jacobsen sulisumit aperineqarsimasoq atoqatigerusunnginnerini. Politiit pisoq misissorusunngilaat ajortuliortoqarsimannginnera pissutigalugu. Lili Naja Jacobsenip paniilu iliuuseqaqqusigaluarput. Inuit Pisinnaatitaaffiit pillugit siunnersuisooqatigiivisa siunersuutigaat innarluutilinnik suliaqassagaanni pinerlussimannginnermik uppernarsaateqaqqaarluni innarluutilinnik aatsaat sullissisinnaasoqartassasoq.
Siunersuut innarluutillit angajoqqaavisa peqatigiiffiannit Inooqammit isumaqatigineqarpoq.
- Inuit Pisinnaatitaaffiinut siunersooqatigiinnit piumasarineqartoq isumaqatigaarput Inooqammiit, Inooqammi siulittaasoq Benny Kokholm oqarpoq.
- Lili Naja Jacobsenip tamanna pisimasoq qitornanilu oqaluuserisassanngortimmassuk qujassuteqarfigaavut, qitornagummi uummatitsinni isissaqartuaannarput. Qitornatta pitsaasumik sullinneqarnissaat kissaatigiuaannartuuarput, sulisorineqartullu tatigineqarsinnaajuaannartariaqarput, Benny Kokholm oqarpoq.
Angajoqqaarsianut angajoqqaarsianngorusuttunullu Inooqat ataatsimiisitsissaaq. Taanna juunip sisamaani 'Kammagiit'-nni ingerlanneqassaaq nalunaaqutaq 19.00-imit.