Skip to main content

Pineqaatissinneqarsimasunut inissiisarfianni inissisimasut AWG 2016-mut ikiueqataassapput

Arctic Winter Gamesertoqarnissaanut piareersaanermi pineqaatissinneqarsimasunut inissiisarfinni inissisimasut suleqataassapput

Naak Nuummi pineqaatissinneqarsimasunut inissiisarfimmiikkaluarluniluunniit Arctic Winter Gamesimut 2016-mut piareersaanermut suleqataasoqarsinnaavoq.

Kalaallit Nunaanni pineqaatissinneqarsimasunut inissiisarfiit Pinerluttunik Isumaginnittoqarfik aamma Arctic Winter Games 2016 suleqatigiinnissamik atsioqatigiipput sisamanngormat. Taamaasilluni pineqaatissinneqarsimasunut inissiisarfinniittut AWG2016-mut piareersarnermi suleqataasussanngorput. 

- AWG2016-imut atatillugu suliariniakkatut pilersaarutigineqartut annertoqaat, innuttaaqataasullu tamarmik peqataanissaat pisariaqartinneqarpoq. Unammiuaarnissallu piareersarnissaannut, ingerlannissaannut naammassinissaannullu  inuiaqatigiit akornanni assigiinngitsunik inissisimasut peqataanissaat pingaaruteqartinneqarluni, tusagassiutinut nalunaarummi allaqqavoq. 

Suleqatigiinnermi Nuummi inissiisarfimmiittut 50-it missaanniittut suliassaqartinnissaat immikkut anguniarneqarpoq, arlaatigulli atugassat atortussallu sanaartorneranni soorlu aamma inissiisarfinni illoqarfinni allaniittuniittut suliassaqartinnissaat aamma takorloorneqarsinnaalluni. 

Suliakkiissutit inissiisarfinni suliarineqarsinnaassapput, suliassalli ilaat inissiisarfimiit anisinnaasutut nalilerneqartunit isumagineqarsinnaassallutik. Suleqatigiinnermi pineqartut tassaapput, 2016-imi marsip arfernganiit aqqarngata tungaanut unammiuaarnissat piareersarnerannut suliassat, Kalaallit Nunaanni Pinerluttunik Isumaginnittoqarfik aamma AWG 2016 tusagassiutinut nalunaaruteqarput.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER