Skip to main content

Pillagaasimanerup allagartaa akissarsiarisimasallu pillugit Binzeri pillugu oqallittoqalerpoq

Michael Binzerip peqquserlussimanera pissutaalluni Tele-Postimit aningaasarsiassani sinneruttut annaasinnaavai. Kisiannili aamma peqquserluuteqarsimasutut unnerluutigineqarsinnaavoq

Iliuuserisimasara isumakkeerfigineqarsinnaanngilaq, eqqortorli annippara. 

Michael Binzer blogimini mbinzer.com-imi allappoq. Michael Binzerip ilinniagarisimasani pillugit paasissutissiisarnini eqqortuuneq ajorsimasut nassuerutigaa. Ilisimatuup Michael Binzerip utoqqatsernera naammanngitsoq oqaatigaa. Peqquserluuteqarsimasutut unnerluutigineqarsinnaasoq oqaatigaa. 

Lund Elmer Sandager Advokatpartnerselskabimut suleqataasoq Henrik Høpner Sermitsiaq.AG-mut nassuiaavoq. 

- Misilitsiffiginikuunngisat naammassisimasutut nalunaarutigisimagaanni paasissutissanik atornerluinerusarpoq. Nalunaarutigineqartut sunniuteqarnerat tassanngaannit apeqqutaalersarpoq. Suliffimmut qinnuteqarfigisamut nalunaarutigineqarsimasoq tunngassuteqanngippat annertunerusumik sunniuteqassanngilaq. 

Henrik Høpner Michael Binzeri pillugu suliaq eqqartunngilaa. Misilitsiffigisimasat angusiffigisimasutut paasissutissiigaanni unnerluussisoqarsinnaasoq oqaatigaa. 

- Angusiffigisimanngisammi nalunaarutigineqarput. Assersuutigalugu biologi takornarialerissappat, takornarialerinermi sillimanissamut ilinniartarput ilinniarsimasup paasisimasai pingaartinneqartarlutik. 

Aningaasaqarnikkut eqqorneqarsinnaasoq
Michael Binzer Tele-Postimi pisortaanertut septembarimi soraarniuteqarpoq. Attavigineqarsinnaanini tassani ammatippaa. Paasissutissiisimaneri tunngavigalugit Tele-Post aalajangersinnaavoq Michael Binzer aningaasarsiassaraluarmi sinneri tigusinnaassanngikkai. Aarhus Universitetimeersup Natalie Videbæk Munkholmip tamanna uppernarsarpaa. 

- Eqqunngitsunik paasissutissiinerit peersitsinermik kinguneqarsinnaapput. Eqqartorneqartorli nalilersorneqarluaqqaassaaq. Eqqartuussiviit aalajangiinerminnut tunngaveqartarput: Sulisup nalunnginneraa eqqunngitsumik iliornersoq, piumasaqaatigineqartut anguneqarnersut kiisalu atorfimmi tulluartuunersoq. 

Natalie Videbæk Munkholmip pisoq toqqaannartumik eqqartunngilaa. Suliffeqarfik sukkasuumik iliuuseqartussaasoq oqaatigaa taamatut pisoqartillugu. 

Oqaaseqarusunngilaq
Michael Binzer Air Greenlandimi pisortaanertut atorfeqareernermi kingorna Tele-Postimi pisortaanertut atorfeqalerpoq 2013-mi apriilip aallaqqaataanit. Atorfimmit Michael Binzerip soraarniuteqarnera septembarip qulingani nalunaaruteqartoqarpoq.  

Michael Binzer Sermitsiaq.AG-mut oqaaseqarusunngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER