Skip to main content
KNI

Pilersuisup pisortaa atorfimminit tunuarpoq

Isumaqatigiissuteqarneq aallaavigalugu tuniniaanermut pisortaq Frederik Olsen atorfimminit tunuarpoq tamannalu pingasunngornermi atuutilerpoq

- KNI A/S-ip avataani periarfissanik allanik ujarlissalluni Frederik Olsen aalajangersimavoq. Tamaattumik nalunaarutigissavara isumaqatigiissuteqarneq aallaavigalugu Frederik Olsen atorfimminit tunuarmat tamannalu ullumimiit atuutilersoq.

KNI-p pisortaanera Peter Grønvold Samuelsen tusagassiutinut nalunaaruteqarpoq. KNI-p tuniniaanermut pisortaa Finn Fabricius pisortatut atorfinitsinneqarallarpoq atorfimmut atorfinititsisoqarnissaata tungaanut. 

Finn Fabriciusip illoqarfinni anginerni Pilersuisup pisiniarfiinut maannamut pisortaavoq, KNI Pilersuisumilu pisortaagallassaaq niuertarfinnik aqutsinermut pisortassamik atorfinitsitsisoqarnissaata tungaanut. KNI Pilersuisumi sulisut 500-t missaanniipput sumiiffinnilu 66-ni pisiniarfeqarpoq. 

Frederik Olsenip tunuarneranut Peter Grønvold Samuelsen annertunerusumik oqaaseqarusunngilaq. 

Taamaasilluni Sermitsiaq.AG-mit apeqqutigineqartussaagaluit akineqanngitsuussapput. 

KNI Pilersuisup siunissami pilersaarutai Sermitsiami septembarip aqqaneq aappaanni saqqummersumi atuarneqarsinnaapput. Aviisi ataani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER