Pilersuisup nunaqarfinni pilersuineq unammillernartippaa

Sumiiffiit isorartunerat tikikkuminaannerallu pissutaatillugit Pilersuisoq A/S-ip Upernaviup Kullorsuullu akornanni nioqqutissanik pilersuinissaq ukiuunerani ajornakusoortippaa. Ajornartorsiutaasut pitsanngortinniarlugit maanna iliuuseqartoqarpoq, naak ukioq kaajallallugu naatitanik nutaanik pisiassaqartuarnissaq suliffeqarfimmit neriorsuutigineqarsinnaanngikkaluartoq.

Niuertut tamarmik pisisartunik naammagittaalliorfigitinneq misigisimassavaat. Pilersuisoq A/S-ilu aamma matumani minitaanngilaq, tassami Kullorsuarmi ukiaanerani ukiuuneranilu Pilersuisup pisiniarfiata pilersorneqarnera naammagineqanngilluinnarpoq. Pissutsit taamaanneri pillugit innuttaasunik ataatsimiisitsisoqarpoq, tassanilu annerpaamik pilersorneqarnerup ajornartorsiutaanera eqqartorneqarpoq.

Timotheus Petersenip, Kullorsuarmi aalisartut piniartullu peqatigiiffianni siulittaasuusup kommunalbestyrelsimilu ilaasortaasup, erseqqissarpaa piffissami sivitsortumi nioqqutissanik amigaateqarsimallutik, annermik aalisarnermi atortunik allunaasanillu assigiinngitsunik.

Naatitanik pisisinnaannginneq

Tamanna aalisarnermut sunniuteqartoq oqaatigaa, aamma nioqqutissat peqqinnartut ukiuunerani pisiarineqarsinnaasannginneri innuttaasut naammagittaalliutigigaat Timotheus Petersenip ilanngullugu eqqaavaa, pissutsillu tamakku naammaginagit, ukiap ingerlanerani, innuttaasunik ataatsimiisitsinissaq aaqqissuuppaa.

- Naalakkersuisut sukkunik imigassanillu akitsuusiipput innuttaasut peqqinnerulernissaat tunngavilersuutigalugu, tamannalu tunngavigalugu paasiuminaatsipparput naatitanik nutaanik ukiuunerani pisiassaqartannginnerput, taanna oqarpoq.

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Powered by Labrador CMS